وزیراعظم نا کورونا نا دین اٹی شہید مروک آ ڈاکٹر و ہیلتھ ورکرآتے تمغہ امتیاز (کہینگ آن پد ) تننگ نا فیصلہ

اسلام آباد۔ 11 اگست (اے پی پی) وزیراعظم محمد شہباز شریف کورونا دین انا جہانی دین اٹی تینا جون تا پرواہ ءِ کننگ آن بیدس ناجوڑآتا خیال داری  ءِ کروک آ شہید ڈاکٹر و ہیلتھ ورکرآتے تمغہ امتیاز (کہینگ آن پد) تننگ نا فیصلہ کرینے اوفتے ٹی پنجاب آن 81، سندھ آن 87، خیبرپختونخوا آن 23، بلوچستان آن 8، آزادکشمیر آن 4 و گلگت و اسلام آباد آن اسہ اسہ داکٹر اوار ءُ۔ جمعہ نادے آ وزیراعظم آفس نا میڈیا ونگ آن جاری بیان نا رداٹ وزیراعظم مچ آ ملک آن ڈاکٹر و فرنٹ لائن ہیلتھ ورکرآتا کورونا دین نا جہانی دین اٹی خذمت آتا اعتراف و اوفتے خراج تحسین پیش کرسا پارینے کہ ملک انا دا مار و مسنک زمواری ءِ پورو کرسا شہیدی نا جام ءِ نوش کریر۔ وزیراعظم پارے کہ مچ آ قوم دا فرض شناس ڈاکٹر و فرنٹ لائن ہیلتھ ورکرآتا وامدار سلک۔ دا ڈاکٹر و فرنٹ لائن ہیلتھ ورکرآتا خاہوت قوم انا گمر ءُ۔ پنجاب آن 81 ، سندھ آن 87، خیبرپختونخواآن 23، بلوچستان آن 8، آزاد کشمیر آن 4 و گلگت و اسلام آباد آن اسہ ڈاکٹر اسے جہانی دین اٹی خواری و لگن اٹ مخلوق نا زند ءِ بچفنگ و فرض انا پوروی ٹی شہیدی آ تمغہ امتیاز( مرگ آن پد) تننگک۔مچ آ پاکستان آن 59 نرس و فرنٹ لائن ہیلتھ ورکرآتے ہم دین اٹی تینا جون تا پرواہ ءِ کننگ آن بیدس خذمت سرتننگ و جون تے بچفنگ آ تمغہ امتیاز (کہینگ آن پد ) تننگک۔