واشنگٹن۔ 11 اگست (اے پی پی) امریکہ ٹی پاکستان نا سفیر مسعود خان مچ آ دنیا ٹی ودوک آ خارتس تقریر آتا توننگ و بین المذاہب ہم آہنگی ءِ مون آ دننگ کن اجتماعی کوشست آتا گرج آ زور شاغانے۔ اوتدوک آ دے پاکستانی سفارت خانہ ٹی مذہبی راہشون و کمیونٹی لیڈرآتون اوڑدہی ٹی بین المذاہب ہم آہنگی ءِ مون آ دننگ کن پاکستان نا عزم انا درشانی ءِ کرسا پارینے کہ مچ آ دنیا ٹی بے سگی ، زینو فوبیا(درملکی تیان خار) ، انتہاپسندی و مذہبی خار انا مقابلہ ءِ کننگ ننا اجتماعی زمواری ءِ ۔ اوڑدہی ٹی چندی مذہب آتا نمائندہ و پاک امریکن کمیونٹی نا بندغ آک بشخ ہلکر، ہراٹی مسلم انسٹی ٹیوٹ نا چیئرمین صاحبزادہ سلطان احمد علی مہمان خاص ئسک۔ ڈل اٹ اینگلیکن آفس حکومت و جہانی امور نا ایگزیکٹیو ڈائریکٹر ریورنڈکینن جسٹس مرف، المصطفیٰ ٹرسٹ انا محمد عثمان نوری، جارج ٹاؤن یونیورسٹی ٹی مسلم لائف اینڈ چیپلینسی نا ڈائریکٹر یحییٰ ہندی ، بین المذاہب ناباسک ڈاکٹر مقصود چوہدری و آؤٹ ریچ اینڈ انٹرفیتھ ڈائریکٹر دارالحجرہ اسلامک سینٹر امام نعیم بیگ ئسک اوار ئسر۔

متعلقہ مضامینمصنف کی طرف سے مزید