ریاض۔ 11 اگست (اے پی پی) سعودی عرب نا مفتی اعظم ، سینئر علماکونسل نا چیئرمین و قائمہ کمیٹی سائنسی پٹ وپول نا چیئرمین شیخ عبدالعزیز بن عبداللہ آل الشیخ خادم حرمین شریفین شاہ سلمان نا کنڈآن جہانی اسلامی کانفرنس (رابطہ و ہم گرنچی) نا اڈتننگ نا منظوری ءِ سفت نا قابل گوندا۔ سعودی میڈیا نا رداٹ داکانفرنس نا اڈتننگ اسلامی امور، دعوت و راہشونی نا وزارت کننگ اٹی ءِ، ہراٹی مچ آ دنیا غان چندی بشخ آتا 50 عالم دین، مفتی عظام، و شیوخ بشخ ہلنگ ءُ۔ 2 دے ئی کانفرنس 26 و 27 اگست آمریک۔ سعودی عرب نا مفتی اعظم داہیت ءِ پک کرے کہ خادم حرمین شریفین نا منظوری آن دا کانفرنس نا اڈتننگ آن مچ آدنیا نا مسلمان تیٹی سعودی عرب نا است خواہی و اونااسلامی تعلیمات آتے تالان کننگ نااست خواہی نا درشان مریک۔
