اسلام آباد۔10اگست (اے پی پی): پیسرگیں بنجاہی وزیر ء ُ پاکستان مسلم لیگ(ن ) ءِ جارچین مریم اورنگزیب ءَ گشتگ کہ حال ء ُ اھیوال کاری ء ُ شنگکاری ءِ وزیر بوہگءِ ارزشتءَ وتی مدت ہلاس بوہگءَ چہ پیسر پاکستان ءِ اولی میوزک پالیسی ءِ جوڑ کنگءِ سرءَ وشی اِنت۔ بنجاہی کابینہ ءَ گوستگیں روچ ( 19 اگست) وتی رخصتی دیوان ءَ میوزک پالیسی ءِ منظوری داتگ۔ پنچ شمبے ءِ روچءَ وتی ٹویٹءِ تہا پیسرگیں بنجاہی وزیرءَ گشتگ کہ میوزک پالیسی ءِ حاسیت ءِ ہتا پاکستانی ءِ سازء ُ زیملءِ مزنیں ورثہ ءِ رکینگ، سازء ُ زیمل ءِ دیمروئی ء ُ کانودی فریم ورک ءِ وسیلگءَ میوزیکل ورک ءِ رکینگ ہوار انت کہ ازمکارانی ھاترءَ کارمرزءَ ارزان، تکنیکی دیمروئی ءِ ھاترءَ بہ بیت۔ مریم اورنگزیب ءَ اے درائیں مردمانی شکرء ُ منت گپتگ کہ آیاں اے پالیسی ءَ را کمک کتگ کہ آیانی تہا ازمکار، وکیل ء ُ حال ء ُ اھیوال کار ءِ حکام ہوار اَنت۔ پیسرگیں بنجاہی وزیرءَ مزن وزیر محمد شہباز شریف ء ُ بنجاہی کابینہ ءِ شکرء ُ منت ہم گپتگ کہ آیاں اے پالیسی ءِ منظوری داتگء ُ ایشی ءَ را راست کنگءَ کمک کتگ۔
