اسلام آباد۔10اگست (اے پی پی): مزن وزیر محمد شہبا ز شریف ءَ گشتگ کہ پاکستان ءَ آسراتی ء ُ زانتکاری ءِ ایچ کمی نیست، درستانان پاکستان ءِ وشھالی ءِ ھاترءَ کر د پیلو کنگ لوٹ ایت، محنت ء ُ جہدءَ چہ پاکستان ءِ باندات ءَ را روژناہ کنگ بوت کنت، انوگیں وہدءَ یکوئی ء ُ وت مہ وتی ءِ باز ضلورت اِنت، قائد اعظم ء ُ علامہ اقبال ءِ راھبندانی ردءَ پاکستان ءِ دیما برگءِ جزم کنگ لوٹ ایت۔ آ پنچ شمبے ءِ روچءَ مزن وزیر گسء ُ کارگسءِ کارکنوکانی شرپ ءَ داتگیں نان دعوت ءِ سرءَ تران کنگءَ بوتگ۔ اے موہ ءَ مزن وزیر ءَ گریڈ یک ءَ تاں گریڈ 16 ءِ ملازم آنی دلبڈی ءِ ھاترءَ سرٹیفکیٹ داتگ۔ اے موہ ءَ مزن وزیر کارگسء ُ گسءِ عملہ ءِ نیمگءَ چہ مزن وزیر ءَ آئیءِ پورٹریٹ پیش کنگ بوتگ۔ آئی ءَ گشتگ کہ مرچی اے وہد اتکگ کہ پاکستان ءَ را جیڑہ ء ُ جنجالاں چہ درکنگء ُ وشھالی ءِ نیمگءَ برگءِ ھاترءَ راجی یکوئی ء ُ وت مہ وتی ءِ امیچو مرچی ضلورت اِنت گوستگیں 75 سالاں کدی ہم نابوتگ۔ مزن وزیر ءَ گشتگ کہ مرچی وہد اَتکگ کہ فیصلہ بہ کن اِت ء ُ اے جزم ءِ درشانی ءَ بہ کن اِت کہ ما قرآن کریم ء ُ نبیؐ ءِ سوج داتگیں گپ، قائداعظم ء ُ علامہ اقبال ءِ مشن ءِ سرجم کنگءِ ھاترءَ یک جاہ بہ بنت ۔ مزن وزیر ءَ گشتگ کہ من مزن وزیر کارگس ءَ کوشست کتگ کہ آسراتیاناں بہ رکین ایں۔ مئے معاشی جاورھال ءَ را مزنیں چیلنچ بوتگ۔ مرچی ءَ چہ لھتیں ماہ پیسر کابینہ ءَ وت فیصلہ کتگ کہ ما پگار، آسراتیء ُ گران نیادیں گاڑی کارمرز ناکناں۔ آئی ءَ گشتگ کہ پاکستان ءَ رااللہ ءَ معدنیاتءِ بے مٹیں دولت داتگ۔ مارا زمین، کوہ ، دریا ء ُ قابل مردم داتگ۔ آئی ءَ گشتگ کہ نوں سرپانک مزن وزیر کیئت ، ما را ہمے محنتء ُ جہدءَ چہ وتی زمہ واری پیلو کنگ لوٹ ایت، ہمے دیمروئی ءِ لوٹ اِنت۔ اُمیت اِنت کہ آیوکیں وہدءَ کہ حکومت کایاں شما پاکستان ءِ سرجمیءَ ازمتءَ کنے۔
