اسلام آباد۔10اگست (اے پی پی): پیسریگیں بنجاھی وزیر اھوالکار ءُ شنگ کار ءُ پاکستان مسلم لیگ ن ءِ ترجمان مریم اورنگزیب ءَ گوشتگ کہ وزیر ءِ اھوالکاری ءِ بستار ءَ وتی وھد ءُ پاس ءِ سرجم بوھگ ءَ چہ پیسر پاکستان ءِ اولی ساز ءُ زیملی پالیسی ءِ بنگیج کنگ ءِ پد ءَ شات ءُ گل آں۔ بنجاھی کابینہ ءَ گوستگیں روچ 9 اگست ءَ وتی گڈی دیوان ءَ میوزک پالیسی ءِ منظوری دات۔ پنچ شمبے ءِ روچ ءَ وتی ٹویٹ ءَ پیسریگیں بنجاھی وزیر اھوالکاری ءَ گوشت کہ میوزک پالیسی ءِ جوانیں بستار ءَ پاکستان ءِ ساز ءُ زیمل ءِ بے مٹیں میراس ءَ را رکھینگ، ساز ءُ زیمل ءِ استیں نکان ءِ دیمروئی ءُ کانودی فریم ورک ءِ وسیلگ ءَ میوزیکل ورک ءِ رکھینگ ھوار انت ایش ازمکار آنی واستہ کارمرز کنگ آسان ، تکنیکی دیمروئیءِ رد ءَ آرگ ءَ بہ بیت۔ مریم اورنگزیب ءَ گوشت کہ اے توامیں مردم آنی شگر ءُ منت وار ی ءَ گراں کہ ھماواں اے تاریخی پالیسی ءَ کمک کتگ ۔ ایشانی تہ ءَ ازمکار، وکیل ءُ وزارت ءِ اھوالکاری ءِ کارندہ ھوار انت۔ پیسریگیں بنجاھی وزیر ءَ مزن وزیر شہباز شریف ءُ بنجاھی کابینہ ءِ ھم شگر ءُ منت واری گپت آئیءَ اے پالیشی ءِ منظوری دسات ءُ ایشرا گواچنی جوڑ کنگ ءَ کمک کت۔
