اسلام آباد۔10اگست (اے پی پی): مزن وزیر محمد شہباز شریف ءَ گوشتگ کہ عمران خان ءِ دور ءُ باریگ ءَ مئے درئی پالیشی آناں باز تاوان رستگ، عمران خان ءِ گوشگ بوتگ کہ امریکی پندل آں چہ مئے حکومت اتکگ بلے اے دروگ انت، بھارت ءِ گوما یکوئی کشمیر ءِ جیڈھ ءِ جوانیں گیوای ءَ ابید شر بوت نہ کناں۔ پنچ شمبے ءِ روچ ءَ “وی نیوز” ءَ را داتگیں گلگدار ءَ مزن وزیر ءَ گوشت کہ مئے براتیں ملک مئے گوما درگران انت۔ عمران خان ءَ سعودی عرب وڑیں ملک ءِ گوما ھم یکوئی ھراب کتگ انت۔ مزن وزیر ءَ گوشت کہ سعودی عرب ءِ چماں جھل جنائینگ ءِ کوشست کنگ بوتگ، آئی ءَ گوشتگ کہ یک بلاک ءِ جوڑ کنگ بہ بیت ءُ اے بلاک ءِ وسیلگ ءَ سعودی عرب ءَ را ایوک کنگ بہ بیت، اے یک چینکاسیں ٹوھٰں واکیہ ات ءُ چینکاس جھل کپتگیں سسا ات دوستیں ملک کہ ابید دگہ شرط ءُ لالچ ءُ دگہ بدلہ ءِ امیت ءَ چہ ترا برات ءُ ھاندان ءِ وڑ ءَ کمک بکنت ءُ ما ایشی ءِ کتگیں احسان آناں بے ھیال بکناں ءُ ایش گوشتگ کہ سعودی عرب ءِ ھمبراھی ءَ ابید ما کشمیر کاز ءَ را دیم ءَ جنزینت کناں۔ مزن وزیر ءَ گوشت کہ اگاں سائفر ءِ گپ ءُ ھبر (میاں اوستمانی اھوالتاک) ءَ چھاپ بوتگ انت گڈا اے یک ٹوھیں جرم ات۔ میاں اوستمانی تاکبند “دی انٹرسیپٹ” ءَ سائفر ءِ ھوالگ ءَ چھاپ بوھوکیں ھال ءِ بابت ءَ جست ءِ پسو ءَ آئی ءَ گوشت کہ راجی سلامتی کونسل ءِ 2 دیوان آئی ءِ سروکی ءَ بوتگ انت۔ اے دیودان ءَ اے وھد ءَ پاکستانی سفیر ءُ استیں سیکرٹری درئی کار اسد مجید ءَ سہرا ئیں رنگ ءَ گوشت کہ امریکی اگدہ دارڈونلڈ لو ءَ گوں گند ءُ نند ءَ پندل ءِ بابت ءَ اچ رنگیں گپ ءُ ھبر نہ بوتگ۔ مزن وزیر ءَ گوشت کہ اے وھد ءِ ارد ءِ سپہ سالار جنر قمر جاوید باجوہ ءُ سروسز چیفس آں ھم گوشتگ بوتگ کہ پاکستان ءِ ھلاپ ءَ پندل اچ رنگیں نہ بوتگ، عمران نیازی ءَ اے بیان داتگ کہ امریکہ ءَ آئی ءِ حکومت ھمے واستہ دور دیگ ءِ کوشست کتگ کہ آ چین ءُ روس ءِ نیمگ ءَ گیش ھب ءُ واھگ دار ائیت۔ مزن ویزر ءَ گوشت کہ امریکی پندل ءَ چہ خداسنخواستہ مئے حکومت جوڑ بوتگیں گڈا روس ءَ چہ ٹیل رست کت کتگ ات، ؟ مئے چین ءِ گوما یکوئی برجا بوتگ اتگ، ایشاناں عمران نیازی ءَ تباہ کتگ بوتگ؟ گڈا بس ھمے یکیں درور بس انت۔ شہباز شریف ءَ گوشت کہ عمران نیاز ءَ رند ءَ دومی بیان ءَ وت گوشتگ بوتگ کہ امریکہ ءَ اچ رنگیں پندل نہ ساتکگ۔ نوں شما آئی اولی بیان ءَ من ات ءُ یکیم کنے یا دومی ءَ ؟ مزن وزیر ءَ گوشت کہ ھدا مکن آت امریکی پندل ءَ چہ اے حکومت بہ اتکیں گڈا مئے واستہ آپ ءَ بک ورگ ءُ مرگ ءِ برابر بوتگ انت۔ آئی ءَ گوشت کہ آئی ءَ اچبر امیت نہ بوتگ کہ یک پاکستانی مزن وزیر ءِ اے رنگ ءَ ٹوھیں تاوان ئیگ ءِ بیت پہ ملک ءِ واستہ، اے درستیں دروگ ءُ بٹاک اَنت آئی ءَ را گون انت۔ ایشانی تہ ءَ راستی اچ مان نیست۔
