اسلام آباد۔ 10 اگست (اے پی پی) وزیراعظم محمد شہباز شریف نا کنڈآن پاکستان نا 76 می یوم آزادی نا وخت آ الس کن ٹارگٹڈ سبسڈی نا خصوصی ٹیکی نا باقاعدہ بناپگہ(جمعہ آن ) مریک ، ہرانا رداٹ مچ آ ملک اٹی یوٹیلٹی اسٹور آتیا 5 بنداوی المی آ گڑا کم انگا نرخ آ دستیاب مریک۔ پنچ شنبے نادے آ داڑے جاری سرجم حوال آتا رداٹ وزیراعظم نا کنڈآن تروک آ دا ٹارگٹڈ سبسڈی ٹی نُت 648 روپئی فی 10 کلو، سی 353 روپئی فی کلو، بورہ 100 روپئی فی کلو، وخت اس کہ دال و برنج آ 25 روپئی فی کلو نا خصوصی رعایت تننگک۔ دا سبسڈی آن بینظیر انکم سپورٹ پروگرام نا رداٹ رجسٹرڈ اُرا ہرافتا نیزگاری انڈکس آ سکور آر ایم ٹی فور ٹی یا اوڑان کم ءِ، سبسڈی نا دوئی کننگ کن اہل ءُ، دا آسراتی آن فائدہ ہرفنگ کن ہم بی آئی ایس پی نا خصوصی رجسٹریشن کاؤنٹر یوٹیلیٹی اسٹورز آتیا جوڑ کننگ انگ ءِ ۔
