اسلام آباد۔ 10 اگست (اے پی پی) ملک انا بڑزکو علاقہ غاتیٹی ندی نالہ غاتیٹی بہاؤ ٹی ودکی و مشی آ دامان تیٹی برفانی جھیل آتیان نوکاپی حالیت (گلوف ) ودی مننگ نا گمان ءِ۔ این ڈی ایم اے نا مون سون اپڈیٹ نا رداٹ ملک انا گیشتر علاقہ غاتیٹی موسم باسن و مرطوب سلک وخت اس کہ خیبرپختونخوا نا بڑزکو علاقہ ، پنجاب نا قطب دے ٹکی علاقہ، آزاد جموں و کشمیر و اسلام آباد اٹی ترند تہو و ہورہ و گروک اٹ پِر انا گمان ءِ۔ گلگت بلتستان نا دریا و ندی نالہ غاتیٹی بہاؤ ٹی ودکی و مشی آ دامان تیٹی گلوف واقعہ نا گمان ءِ۔ این ڈی ایم اے نا ایڈوائزری ٹی پاننگانے کہ ممکنہ خطرہ غاتا توننگ کن الس نا پیشگی اطلا ع و رکھی گام گیج آتا تشہیر و حساس علاقہ غاتا کنڈآ ٹریفک نا منظم چاروکی ءِ کننگے، ہلہلہ ئی حالیت آتون مون تننگ کن مشینری ءِ تیارتخر۔ نشیبی علاقہ غاتیٹی رہینگوک آ مخلوق نا نقل مکانی کن بست وبند کننگے۔
