اسلام آباد۔9اگست (اے پی پی): مزن وزیر محمد شہباز شریف ءَ گوشتگ کہ گوستگیں 16 ماہ ءَ چہ تاریخ ءِ نہ گیشینتگیں ٹوھیں جیڈھ آنی گوما دیم پہ دیمی انت، مئے گامگیج آں چہ ملک ڈیفالٹ ءِ بیم ءَ چہ رکھ اتگ، مرچی پاکستان اپریل 2022 ءَ چہ گہتر انت۔ چار شمبے ءَ وتی ٹویٹ ءَ آئی َ گوشت کہ مرچی کابینہ ءِ ھاسیں دیوان ءَ ، من وتی کابینہ ءِ باسک آنی کمک ءُ ھمبراہ دساری ءِ شگر ءُ منت واری ءَ گپت۔ گوستگیں 16 ماہ ءَ ٹوھیں جیڈھ آنی دور ءُ باریگ بوتگ۔ مزن وزیر ءَ گوشت کہ ترندیں سیلاپ ءَ چہ زوران ءَ ملک ءَ را ڈیفالٹ ءَ چہ رکھینگ ءِ واستہ پاکستان ءِ سفارتی یکوئی ءِ نوک سر جوڑیشت ءَ چہ بگر تاں گورننس ءِ جیڈھ ءَ را شر کنگ ءِ واستہ ڈکال ءِ گر ءُ دار ءِ واستہ یکجائی گامگیج آنی کارمرزی کتگ۔ آئیءَ گوشت کہ الحمد اللہ، اگست 2023 ءَ پاکستان اپریل 2022 ءِ مقابلہ ءَ گہتر انت۔ مئے دراج بریں چیلجنز انوگ ءَ تاں است انت بلے دیم ءَ جنزگ ءِ کشک ءَ را ٹک ءُ نشان کنگ بوتگ ءُ اے نیمگ ءَ گامگیج کنگ بوتگ۔ مزن وزیر ءَ گوشت کہ کابینہ ءِ ھمک باسک ءِ شگر ءُ منت وار آں کہ آوانی شور ءُ مشور ءُ کمک ءَ چہ ملک ءِ جوانیں ازمت کنگ ءَ منی کمک کتگ، من آوانی واستہ نیکیں واھگ آنی درشان ءَ کناں۔
