کوئٹہ۔ 09 اگست (اے پی پی) کوئٹہ ٹی قومی پرچم بہاکروک آتیا دستی بمب جلہو اٹی زالبول اسے تون اوار 5 بندغ ٹھپی مسر۔ پولیس نا رداٹ چارشنبے نادے آ کوئٹہ نا علاقہ جوائنٹ روڈ آ نادرست بندغ آک قومی پرچم بہاکروک آتیا دستی بمب اس خسار ہرا زورداردھماکہ اٹ ترخا ہراٹی زالبول اسے تون اوار 5 بندغ جلال الدین، نجیب اللہ و سردار ولی مہدی حسن، مدوح زوجہ شان لال ٹھپی مسر ٹھپی مروک آتے دمدستی وڑاٹ سول ہسپتال کوئٹہ غا گدریفنگا ہراڑے ڈاکٹر و پیرامیڈیکس نا عملہ ٹھپی مروک آتے بنائی طبی امداد تسر دھماکہ غان دامون ایمون نا ماڑی تا کھڑکی تا شیشہ غاک پنار، دھماکہ غان پد سیکورٹی فورس و پولیس مچ آ علاقہ ءِ گھیڑ اٹی ہلسا دوبہ دار آتا پٹنگ نا بناءِ کریر۔
