اسلام آباد۔ 09 اگست (اے پی پی) ملک انا بڑزکو علاقہ غاتیٹی ندی نالہ غاتیٹی بہاؤ ٹی ودکی و مشی آ دامان تیٹی برفانی جھیل آتیان نوکاپی حالیت(گلوف) ودی مننگ نا گمان ءِ۔ این ڈی ایم اے نا بشام اپڈیٹ نا رداٹ ملک انا گیشتر علاقہ غاتیٹی موسم باسن و جمری سلنگ نا گمان ءِ۔ خیبرپختونخوا، پنجاب، سندھ و آزاد کشمیر نا علاقہ غاتیٹی پِر، لوڑ و ہورہ و گروک …
ملک انا بڑزکو علاقہ غاتیٹی ندی نالہ غاتیٹی بہاؤ ٹی ودکی، مشی آ دامان تیٹی برفانی جھیل آتیان نوکاپی حالیت ودی کننگ نا گمان
گیشتریں ھال
اسلام آباد۔ 09 اگست (اے پی پی) ملک انا بڑزکو علاقہ غاتیٹی ندی نالہ غاتیٹی بہاؤ ٹی ودکی و مشی آ دامان تیٹی برفانی جھیل آتیان نوکاپی حالیت(گلوف) ودی مننگ نا گمان ءِ۔ این ڈی ایم اے نا بشام اپڈیٹ نا رداٹ ملک انا گیشتر علاقہ غاتیٹی موسم باسن و جمری سلنگ نا گمان ءِ۔ خیبرپختونخوا، پنجاب، سندھ و آزاد کشمیر نا علاقہ غاتیٹی پِر، لوڑ و ہورہ و گروک اٹ پِر انا گمان ءِ۔ بلوچستان نا کرکی علاقہ غاتیٹی ترند تہوچلینگ نا گمان ءِ۔ خیبرپختونخوا ، پنجاب ، گلگت بلتستان، آزاد کشمیر و اسلام آباد نا ندی نالہ گاتیٹی بہاؤ ٹی ودکی نا گمان ءِ۔ گلگت بلتستان نا دریاو ندی نالہ غاتیٹی بہاؤ ٹی ودکی و مشی آ دامان تیٹی گلیشیئل لیک آؤٹ برسٹ فلڈ(گلوف) نا گمان ءِ۔ این ڈی ایم اے نا ایڈوائزری ٹی پاننگانے کہ گمانی خطرہ غاتا توننگ کن الس نا پیشگی اطلاع و رکھی گام گیج آتا تشہیر و حساس علاقہ غاتا کنڈا ٹریفک نا منظم چاروکی ءِ کننگے۔ ہلہلہ ئی حالیت آتون مون تننگ کن مشینری ءِ تیارتخر۔ دِیری آ علاقہ غاتیٹی رہینگوک مخلوق نا ہمپنگ کن بست وبند کننگے۔
