اسلام آباد۔ 09 اگست (اے پی پی) وزیراعظم محمد شہباز شریف پارینے کہ زندہ قومک مدام تینا محسن تے یات تخرہ، تدوک آ دے جی ایچ کیو ٹی شہید و غازی تا اعزاز اٹی اڈ ہلوک دود اٹی بشخ ہلنگ و تران کنکن اسہ اعزاز نا ہیت اس ئسک۔ چارشنبے نادے آ تینا ٹویٹ اٹی وزیراعظم محمد شہباز شریف پارے کہ ہمو غٹ عظیم خاہوت ہرافتا دوست آک ننا رکھ و روشناآخبت کن قربان مسر، مچ آ قوم انا محسنک ءُ، زندہ قومک مدام تینا محسن تے یات تخرہ۔ اوپارے کہ ای جی ایچ کیو نا تینا تران اٹی پیدوار کرینٹ کہ شہید آتے خراج عقیدت پیش کننگ نا گچین وڑ ملک ءِ پاکستان ءِ زرگزرانی وڑاٹ سوگو و خودکفیل کننگ ءِ۔ دا مسخت نا دوئی کننگ کن سیوتی حکومت اسپیشل انویسٹمنٹ فیسلی ٹیشن کونسل (ایس آئی ایف سی) نا دروشم اٹ زرگزرانی بحالی نا ڈٹ انا بنداو ءِ تخانے۔
