وزیراعظم شہباز شریف اینو صحافی ، فنکار آتیکن ہیلتھ انشورنس کارڈ، پاکستان کوڈ، ڈیجیٹل ریپازٹری آف فیڈرل لاز موبائل ایپ و  ویب سائٹ نا بناءِ کرے

اسلام آباد۔ 08 اگست (اے پی پی) وزیراعظم محمد شہباز شریف اسلام آباد اٹی صحافی، میڈیا ورکرز، فنکار و ٹیکنیکل ریسورس کن ہیلتھ انشورنس کارڈ انا بناو فراوانی و ’’پاکستان کوڈ، ڈیجیٹل ریپازٹری آف فیڈرل لاز‘‘ موبائل ایپ و ویب سائٹ نا بناءِ کرے۔ سے شنبے نادے آ وزیراعظم بنجائی وزیر حوالکاری و شینکاری مریم اورنگزیب ، وزیرکانود اعظم نذیر تارڑ تون اوار دا ایپ انا بناءِ کرے۔ صحافی، فنکار، میڈیاورکر و ٹیکنیکل ریسورس کن ہیلتھ کارڈ انا ہم بناءِ کننگا۔ پی ایف یو جے نا صدر افضل بٹ و پی ایف یوجے دستور نا صدر حاجی نواز رضا ءِ وزیراعظم نا کنڈآن ہیلتھ کارڈ اس تننگا۔ ہیلتھ انشورنس کارڈ انا رداٹ مچ آملک اٹی 1200 ہسپتال آتیٹی سالانہ 15 لکھ روپئی نا کارپوریٹ ہیلتھ انشورنس آن صحافی، میڈیا ورکر، فنکار و ٹیکنیکل ریسورس جہانی آب انا جان جوڑی نا آسراتی مفت دوئی کننگ کیرہ۔ پاکستان کوڈ ویب سائٹ و موبائل ایپ آن جج، وکیل، کانودی چاہندار، کانود نا طالب علم ، حکومتی کارندہ و لس الس ہروڑنا بنجائی کانود اسکان آسانی اٹ رسینگ دوئی کننگ کیرہ۔