ای سی پی آفیسر آتا کاریم نا کچ ءِ ودفنگ کن سول سروس اکیڈمی ٹی  ٹریننگ 11 اگست اسکان برجاسلک، الیکشن کمیشن

اسلام آباد۔ 08 اگست (اے پی پی) الیکشن کمیشن آف پاکستان (ای سی پی) نا آفیسر آتا کاریم نا کچ ءِ ودفنگ کن سول سروس اکیڈمی ٹی یکم اگست آن بناکروک آ ٹریننگ 11اگست اسکان برجاسلک۔ الیکشن کمیشن نا میڈیا ونگ آن جاری بیان نا رداٹ دا ان سروس تربیت نا مسخت الیکشن کمیشن اٹ 27 پوسکن آ تعینات مروک آ آفیسر آتے تینا فرض انا گچین انجام دہی کن بڑزکو درجہ نا مہارت آتون واکدار کننگ ءِ۔ ٹریننگ اٹی آفیسر آتے گچین کاری بست وبند، گچین کاری کانود، ووٹررجسٹریشن نا وڑوڈول و گچین کاری ٹیکنالوجی نا چندی پلو آتا بارواٹی جوان تربیت تننگک۔ دا ٹریننگ الیکشن کمیشن نا بنداوی مسخت آجو،انصاف اٹ و شفاف گچین کاری تے پک کننگ کن کمکار مریک، داڑان آفیسر آتا کارکڑد ءِ ودفنگ ، ٹیم ورک و قائدانہ لائخی تے مون آ اتنگ اٹ کمک رسینگک۔