تلہ گنگ۔ 08 اگست (اے پی پی) بنجائی وزیر تعلیم رانا تنویر حسین ڈیرہ الحاج سلطان خان اٹی مسکوہی صوبائی وزیر ملک سلیم اقبال نا کزیت آ ملک شہریار اعوان، ملک سلطان طارق تون ہڑزخواہی کرے۔ داوخت آ بریگیڈیئر ریٹائرڈ امجد ملک، ملک فلک شیر اعوان و ایلوسرکڑدہ شخصیت آک ساڑی ئسر۔ اوکان پد میڈیا تون گپ وتران کرسا بنجائی وزیر تعلیم رانا تنویر حسین نا پاننگ ئس کہ ملک اسلیم اقبال نا کزیت ہراڑے ننا پارٹی کن اسہ بھلو نسخان اسے ہموڑے اونا علاقہ ءِ ہم اونا کزیت آن بھلو دھچکہ اس لگانے۔ ملک سلیم اقبال اسہ زیرک سیاست دان اس ئسک۔ ہرا تینا مچ آ زند ءِ الس کن وقف کریسس۔ اسہ سوج اسے نا ورندی ٹی بنجائی وزیر رانا تنویر حسین پارے کہ قومی گچین کاری بروک آ سال جنوری، فروری اٹ مون آ بایدے ہنپس۔ کنا سلاہ ٹی گچین کاری تینا تخوک آ وخت آ بایدے مریر۔ ہندن ءُ نگران وزیراعظم اس اتنگ خوانہ ہرا پالیسی تا چرجوئی ءِ برجاتخے۔
