اسلام آباد۔ 08 اگست (اے پی پی) ملکی تاریخ اٹ اولیکو وار صحافی، میڈیاورکر، فنکار و فلمی صنعت نا تکنیکی چاہندار آتیکن صحت بیمہ کارڈ انا بنا و فرض انا اداکننگ اٹی جون آن دوتے سلوک آ صحافی تیکن خصوصی فنڈ انا قیام نا پڑو کننگا۔ سے شنبے نادے آ صحافی، میڈیاورکر، فنکار و ٹیکنیکل ریسورس کن ہیلتھ انشورنس کارڈ انا اجرانا دود اس اڈ ہلک ہراٹی وزیراعظم شہباز شریف، بنجائی وزیر حوالکاری و شینکاری مریم اورنگزیب، وزیرکانود اعظم نذیر تارڑ، وزیراعظم نا کوآرڈی نیٹر زرگزران و توانائی بلال اظہرکیانی تون اوار بنجائی سیکرٹری حوالکاری سہیل علی خان ، بنجائی سیکرٹری کانود، پرنسپل انفارمیشن آفیسر مبشرحسن، صحافی و فنکارآتا بھلو کچ اس بشخ ہلکر۔ دود آن تران کرسا وزیراعظم شہباز شریف صحت بیمہ کارڈ ءِ انقلابی گام اس گوندس پارینے کہ ورکنگ جرنلسٹس تینا فرض انا سرتننگ اٹ کیہی چیلنج و خطرہ غاتون مون ایتک۔ اودااہم کوشست آ بنجائی وزیر حوالکاری و اونا ٹیم ءِ مبارکبادی پیش کرے۔ وزیراعظم شہباز شریف فرض انا ادائیگی ٹی زندآن دوتے سلوک آ صحافی تیکن خصوصی فنڈ انا قیام نا پڑو کرے۔ دا فنڈ انا رداٹ صحافی نا خاہوت ءِ 40 لکھ روپئی تننگک۔
