اسلام آباد۔ 08 اگست (اے پی پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ئسک سویلی وزیرستان و بلوچستان نا ضلع کیچ اٹی دھماکہ غاتا ترندانگا لوز آتیٹی مذمت ءِ کرینے۔ سے شنبے نادے آ تینا ہڑزخواہی کلہو آتیٹی اودھماکہ غاتیٹی سیکورٹی فورس آتا نہادی جان تا نسخان آ ڈکھیائی و است ہسونی و شہید آتا خاہوت تون ہمدردی نا درشانی ءِ کریر۔ اسپیکرو ڈپٹی اسپیکر قومی اسمبلی ٹھپی تے گچین طبی آسراتی تا فراوانی نا پار ت کریر و پاریر کہ ملک دشمن زموارلغوری کارروائی تا کمک اٹ ملک انا امن ءِ لتاڑنگ خوارہ۔ دشمن لغور کارروائی تا کمک اٹ سیکورٹی فورس آتا دہشت گردی نا برخلاف عزم ءِ متزلزل کننگ کپک۔ اوفک پاریر کہ مچ آ قوم دہشت گردی نا چٹفنگ اسکان تینا سیکورٹی فورس آتون سیسہ پلائی دیوال اسے آنبار سلرہ۔ اسپیکر وڈپٹی اسپیکر قومی اسمبلی اللہ تعالیٰ آن شہید آتا درجہ غاتا بڑزی و ٹھپی تا زوت دراخ جوڑی کن دعاکریر۔
