راولپنڈی۔ 08 اگست (اے پی پی) اینٹی نارکوٹکس فورس (اے این ایف ) منشیات بہاکروک آتا برخلاف 3 جتا کارروائی کرسا 207 کلوگرام آن منشیات دوئی کرسا 5 دوبہ دار آتے دزگیرکرے۔ اے این ایف ترجمان نا رداٹ موٹروے ٹول پلازہ اسلام آباد نا خڑک 2 کار آتیٹی سوار 5 منشیات فروش ءِ دزگیرکننگا۔ پٹنگ آ گاڈی نا اودیم خانہ غاتیان 14 کلو 400 گرام ہفیم و 21 کلو 600 گرام چرس دوئی مس۔ دزگیر دوبہ دار آتا تعلق ضلع خیبرآن ءِ۔ آرسی ڈی ہائی وے لسبیلہ غا واقع العزیز ہوٹل نا خڑک کارگو بس آن 162 کلوگرام چرس دوئی کننگا۔ دوئی مروک چرس آتے بس انا فیول ٹینک اٹی اودیم کننگاسس۔ یونیورسٹی روڈ پشاور آ گاڈی اسے آن 9 کلو 600 گرام چرس دوئی کننگا۔ ترجمان پارے کہ دزگیر دوبہ دار نا برخلاف منشیات تور ایکٹ نا رداٹ مقدمہ درج کرسا مستی جاست وپاست نا بناءِ کننگانے۔
