کوئٹہ۔ 08 اگست (اے پی پی) چیئرمین بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ میر اعجاز عظیم بلوچ پارینے کہ میٹرک 1990آن 2014و انٹرمیڈیٹ سال 1990آن 2019 نا ہمو سند آک ہرا ایڈریس بے پورو مننگ نا سوب آن طالب علم آتے دوئی متویسر و بھلو وخت اسے آن بورڈ آفس اٹی ساڑی ئسر، ہرافتا کچ جم وڑاٹ 72 ہزار 4 سد ءُ ہشت جوڑ مریک اوفتے بورڈ انا برانچ آتیا گدریفنگانے، دادورانیہ نا طالب علم آتے مطلع کننگک کہ برانچ آتیان تینا سند ءِ ہلیر۔ داخیال آتا درشانی ءِ او ’’اے پی پی ‘‘ تون خصوصی وڑاٹ گپ وتران کرسا پارے۔ چیئرمین بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ میر اعجاز عظیم بلوچ پارے کہ ہراتم آن ای چیئرمین بلوچستان بورڈ انا چارج ءِ سنبھالانٹ تو بھاز انگا غاو ملاکہ کہ ننے سند و رزلٹ کارڈ تعلقدار ایڈریس آ ملپک ہراڑا ننے تعلقدار کالجز آتیٹی داخلہ ملنگ آبھاز مشکل آتون مون تروئی تمک، چارج ءِ سنبھالنگ تون ای دمدستی وڑاٹ تعلقدار برانچ آتا انچارج آتے بٹنگاٹ تو سماتماکہ میٹرک نا سال انا سند1990آن 2014و انٹرمیڈیٹ سال 1990آن 2019اسکان نا ہمو سند ہرا ایڈریس بے پورو مننگ نا سوب آن طالب علم آتے دوئی متویسر بھلو وخت اسے آن بورڈ آفس اٹی ساڑی ئسر ہراڑا مستی سما تماکہ ہرا سندآک جم وڑاٹ ننتون ءُ ، اوفتا کچ 72 ہزار 4 سد ءُ 8 ءِ، ای دمدستی وڑاٹ برانچ آتا انچارج آتے پرمان جاری کریٹ ، اوکنا پرمان تیا وخت آ بلوچستان نا علاقہ تربت بورڈ اکن میٹرک نا سندھ 25161 مون تسر ہندا وڑ بلوچستان نا ایلو علاقہ لورالائی بورڈ، خضدار بورڈ، نصیر آباد ڈویژن بورڈ آتیا میٹرک نا سندآتے مون تسر۔ ہنداوڑ انٹرمیڈیٹ نا ہراسندآک داڑے تخوک ئسر اوفتےہم مون تننگانے۔

متعلقہ مضامینمصنف کی طرف سے مزید