اسلام آباد۔ 07 اگست (اے پی پی) وزیراعظم محمد شہباز شریف گجرانوالہ بورڈ انا میٹرک نا امتحان تیٹی اول پوزیشن ہلوک آ طالب علم جمشید علی دوشنبے نادے آ داڑے اوڑدہی کرے۔ داوخت آ جمشید علی نا لمہ، اونا استاد وحید اشرف و گجرانوالہ بورڈ انا چیئرمین نوید حیدر شیرازی و بنجائی وزیر تعلیم وکسبی تربیت رانا تنویر حسین ئسک ہم ساڑی ئسر۔ وزیراعظم جمشید علی ءِ اونا میٹرک نا امتحان تیٹی شاندار کارکڑد آ مبارکبادی تس و اونا است بڈی کن 10 لکھ روپئی انعام ہم تس۔ وزیراعظم پارت کرے کہ جمشید علی نا ماسٹراسکان ناغٹ تعلیمی خڑچ آتے حکومت برداشت کیک، وزیراعظم جمشید علی کن ماہانہ 30 ہزار روپئی وظیفہ نا ہم پڑو کرے و اوڑتون قول کرے کہ او آخبت ہم تعلیمی پڑاٹ ہنداوڑ شاندار کارکڑد نا درشانی ءِ کیک۔ وزیراعظم طالب علم ءِ پارے کہ نیکو نا ہُشار طالب علم پاکستان نا گمر ءِ، ناسرسہبی ٹی لمہ و باوہ و استاد آتا ہم بھاز خواری اوار ءِ۔ نی پاکستان نا ایلو طالب علم آتیکن ہم رول امڈل اسے اُس۔
