اسلام آباد۔ 07 اگست (اے پی پی) وزیراعظم محمد شہباز شریف تون کنوینر خالد مقبول صدیقی نا کماشی ٹی متحدہ قومی موومنٹ نا ڈل اوڑدہی کرے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ ڈل اٹی ڈاکٹر خالد مقبول صدیقی، ڈاکٹر فاروق ستار، بنجائی وزیر آئی ٹی سید امین الحق و گورنر سندھ کامران ٹیسوری ئسک اوار ئسر۔ ڈل ہفت می ڈیجیٹل مردم شماری ٹی اونا گڑتی تے مر کننگ و مردم شماری نا بابت اوفتا سلاہ تا اوارمننگ آوزیراعظم نا منت واری ءِ ہرفے۔ داوخت آ وزیراعظم پارے کہ اللہ نا فضل و کرم اٹ ہفت می ڈیجیٹل مردم شماری خیریت اٹ پورو مس و نتیجہ غاتا منظوری غٹ سیاسی جماعت آتا امنائی سلاہ اٹ مس۔ اوڑدہی ٹی ملک انا ساڑی سیاسی حالیت آتیا سرجمی اٹ گپ وتران کننگا۔ ڈل وزیراعظم ءِ سندھ خاص کر کراچی ٹی برجا شونداری ڈٹ آتا بابت معلومدار کرے۔ اوڑدہی ٹی بنجائی وزیر اقتصادی امور سردار ایاز صادق و بنجائی وزیر پاور انجینئر خرم دستگیر ئسک ہم ساڑی ئسر۔
