اسلام آباد۔ 07 اگست (اے پی پی) وزیراعظم محمد شہباز شریف پارینے کہ سیوتی تا کمک آن بیدس حکومت ملکی زرگزران نا بحالی نا مشکل کاریم ءِ اسُل تنیا کننگ کتوکہ۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او مسکوہی وزیراعظم و سینیٹر سید یوسف رضاگیلانی و قومی اسمبلی نا باسک علی موسیٰ گیلانی تون گپ وتران کرسا کرے ہرافک دوشنبے نادے آ داڑے اوڑتون اوڑدہی کریر۔ اوڑدہی ٹی ساڑی آ ملکی سیاسی حالیت آتیا سرجمی اٹ گپ وتران کننگا۔ اوڑدہی ٹی یوسف رضاگیلانی وزیراعظم ءِ ملک انا مشکل وخت اٹ شاندار سرکڑدہ فراوان کننگ و ملکی زرگزرانی حالیت آتا گچینی آ خراج تحسین پیش کرے۔ داوخت آ وزیراعظم پارے کہ پاکستان پیپلزپارٹی حکومت نا ہرفیصلہ تون تفے ہرانا بھاز منت وار اُٹ۔ سیوتی تا کمک آن بیدس حکومت ملکی زرگزران نا بحالی نامشکل کاریم ءِ اسُل تینا کننگ کتوکہ۔
