اسلام آباد۔ 07 اگست (اے پی پی) وزیراعظم محمد شہباز شریف پارینے کہ ہیپاٹائٹس سی انا چٹفنگ کن جوان ملک گیر پروگرام بناکننگانے ہرافتا رداٹ مچ آملک اٹی فلٹر جوڑ کننگک، داڑکن بنجائی حکومت 35 ارب روپئی جتا کرینے وخت اس کہ 15 ارب روپئی نا انڈوومنٹ فنڈ مہالو آن ٹہیفنگانے۔ دوشنبے نادے آ تینا ٹویٹ اٹی وزیراعظم پارے کہ تدوک آ دے کنکن بے پناہ است جمی نا دے اس ئسک۔ پاکستان کڈنی اینڈ لیور انسٹی ٹیوٹ اینڈ ریسرچ سینٹر (پی کے ایل آئی) ہرانا تصور 2015ٹی پاکستان نا جان ہاپکنز (امریکی ادارہ ) نا وڑاٹ کننگاسس اسہ مزل اسے عبور کرے۔ ای پی کے ایل آئی یونیورسٹی نا بنداو ءِ تخاٹ تانکہ پی کے ایل آئی نا کمک اٹ علم انا تخلیق، پٹ وپول و اختراعات نا مرکز نا وڑاٹ کاریم کننگ مرے۔ اوپارے کہ ہیپاٹائٹس سی نا چٹفنگ کن اسہ جوان ملک گیر پروگرام اس ہم تدوک آ دے دُوارہ بناکننگا ہرانا رداٹ مچ آملک اٹی فلٹر کلینک جوڑ کننگک، ہراڑکن بنجائی حکومت 35 ارب روپئی جتا کرینے وخت اس کہ 15 ارب روپئی نا انڈومنٹ فنڈ مہالو آن جوڑ کننگانے، دازر ءِ نیزگار آتا مفت درمان کن فراوان کننگک۔ اوڈاکٹر سعید اختر، ڈاکٹر فیصل ڈار، و پی کے ایل آئی نا ڈاکٹر، چاہندار و عملہ تون اوار اوار حکومتی عہدیدار آتے اوفتا عظیم قومی خذمت آتیا ستاءِ کرے۔ اوپارے کہ نن اواری اٹ پی کے ایل آئی ءِ قوم انا گمر کینہ۔
