صدر مملکت ڈاکٹر عارف علوی مسہ بل آتا منظوری ءِ تس

اسلام آباد۔ 07 اگست (اے پی پی) صدر مملکت ڈاکٹر عارف علوی مسہ بل آتا منظوری ءِ تس ۔ ایوان صدر نا پریس ونگ انا رداٹ  صدر مملکت پاکستان ایئر سیفٹی تحقیقات بل 2023ء نا منظوری ءِ تسنے۔ دابل انا مسخت ہوائی جہاز آتا شکست وسفر نا بابت واقعہ غاتا گچین پٹ وپول کن کانود سازی ءِ۔ صدر مملکت انسداد منی لانڈرنگ و دہشت گردی نا فنانسنگ نا توننگ نا بل 2023نا ہم منظوری ءِ تس ہرانا مسخت نیشنل اینٹی منی لانڈرنگ اینڈ کاؤنٹر ٹیرر فنانسنگ اتھارٹی نا  جوڑ کننگ ءِ۔ صدر مملکت گن اینڈ کنٹری کلب بل 2023ء نا ہم منظوری ءِ تس۔ دابل انا مسخت اسلام آباد اٹ گن اینڈ کنٹری کلب نا جوڑ کننگ، انتظام وانصرام کن کانود سازی ءِ۔ صدر مملکت بل آتا توثیق ءِ آئین نا آرٹیکل 75 نا رداٹ کرینے۔