اسلام آباد۔ 07اگست (اے پی پی) دفترخارجہ پارینے کہ پاکستان نا کرکٹ ٹیم بھارت اٹ مروک آ آئی سی سی کرکٹ ورلڈ کپ اٹ بشخ ہلیک، ٹیم انا سیکورٹی نا بارواٹی گڑتی تیان آئی سی سی و بھارتی کمامدار آتے معلومدار کننگ انگ ءِ۔ دفترخارجہ نا ترجمان ممتاز زہرہ بلوچ دوشنبے نادے آ پریس حوال اٹی پارے کہ آئی سی سی کرکٹ ورلڈ کپ اٹ ننا بشخ ہلنگ نا فیصلہ پاکستان نا آخبتی موقف نا عکاسی ءِ کیک کہ گوازی تے سیاست تون ملفنگ مفک۔ اوپارے کہ پاکستان نا تعمیری و زموارانہ وڑ بھارت تون متصادم ءِ ہرا وار وار آ تینا کرکٹ ٹیم ءِ ایشیاکپ اکن پاکستان آ گدریفنگ یا پاکستان نا بلائنڈ کرکٹ ٹیم ءِ ویزہ تننگ آن انکار کرسا گوازی تا سیاست کرینے۔ ترجمان اومیت ظاہر کرے کہ بھارت نا دورہ ٹی پاکستان کرکٹ ٹیم ءِ درکار شائستگی، پورو رکھ و تحفظ ملک۔ اوپارے کہ پاکستان نا کرکٹ ٹیم انا سیکورٹی نابارواٹی ننا گڑتی تیان انٹرنیشنل کرکٹ کونسل و بھارتی کمامدارآتے معلومدار کننگ انگ ءِ۔
