اسلام آباد۔ 07 اگست (اے پی پی) پاکستان انٹرنیشنل ایئرلائن(پی آئی اے) یوم آزادی نا وخت آ سکردو کن دبئی آن براہ راست جہاز آتا بناءِ کننگ ءِ۔ پی آئی اے نا ترجمان عبداللہ حفیظ خان نا کنڈآن جاری بیان نا رداٹ سکردو ایئرپورٹ آ یوم آزادی نا وخت آ دبئی آن بروک آ جہاز اولیکو جہانی جہاز مریک ہرانا استقبال کن غٹ تر تیاری تے پورو کننگانے۔ اوپارے کہ دا تاریخی جہاز آ سفر کروک آتیٹی سیل و سواتی تا اسہ بھلو کچ اس اوار مریک ہرا قطبی علاقہ غاتا پرکشش ہند آتا ندارہ غاتیان لطف اندوز مننگ کیک۔ اوپارے کہ ہوابازی نا شونقی بندغ آک ہندا جہاز اٹی خصوصی است خواہی ہلنگ ءُ، اولیکو جہاز آ مسافر آتے دنیا نا بڑزکو انگا ٹُل و دلکش جھیل آتا ندارہ ءِ کرفنگک۔ ترجمان پارے کہ دا جہاز دبئی آن سکردو و ہموکان اسلام آباد آ بریک ہراٹی سکردو آن بیدس اسلام آباد نا مسافر ہم سفر کننگ کیرہ۔
