اے این ایف نا منشیات تور کارروائی، 91کلوگرام منشیات دوئی، 10 دوبہ دار دزگیر

راولپنڈی۔ 07 اگست (اے پی پی) اینٹی نارکوٹکس فورس (اے این ایف ) 7 منشیات تور کارروائی تیٹی 91 کلو گرام منشیات دوئی کرسا 10 دوبہ دار دزگیرکرے۔ اے این ایف ترجمان نا رداٹ سنگ جانی ٹول پلازہ اسلام آبا د نا خڑک رکشہ غان 15 کلو 600گرام چرس دوئی کننگا۔ کارروائی ٹی مردان نا ہنکینی دوبہ دار اسے دزگیر کننگا۔ موٹروے ٹول پلازہ اسلام آباد نا خڑک دوبہ دار آن اسہ کلو گرام آئس دوئی کننگا۔ داوخت آ لنڈی کوتل نا ہنکینی دوبہ دار ءِ مسافر بس آن دزگیر کننگا۔ گل احمد کالونی کراچی ٹی سندھ رینجرز و اے این ایف نا چھاپہ مار کارروائی ٹی اُراسے آن 39 کلو 300 گرام چرس و 12 کلو 700 گرام ہفیم دوئی کننگا و صوابی نا ہنکینی 2 دوبہ دار آتے دزگیر کننگا۔ ناردرن بائی پاس کراچی نا خڑک بس اسے آن 10 کلو گرام ہیرون دوئی کننگا۔ دوئی مروک ہیرون تے بس انا چھت اٹی اودیم خانہ جور کرسا اسمگل کننگاکہ۔ کارروائی ٹی تربت نا ہنکینی اِرا دوبہ دار ءِ دزگیر کننگا۔ علامہ اقبال انٹرنیشنل ایئر پورٹ لاہور آ مسافر اسے نا پڈ آن 49 ہیرون آن پُر کیپسول دوئی کننگا۔ ساہیوال نا ہنکینی دوبہ دار بذریعہ جہاز نمبر QR-609مالی کن روانہ مسکہ۔ پشاور ایئرپورٹ آ ہنگو نا ہنکینی مسافر اسے نا پڈآن 35آئس آن پُر کیپسول دوئی کننگا۔ دوبہ دار جہاز نمبر PK-285نا کمک اٹ دوحہ کن روانہ مسکہ۔ رنگ روڈ پشاور آ مہران کار نا فیول ٹیک آن 12 کلو گرام چرس دوئی کننگا۔ کارروائی ٹی سوات و چار سدہ نا ہنکینی دوبہ دار اسے دزگیر کننگا۔ ترجمان اے این ایف پارے کہ دزگیر دوبہ دار نا برخلاف منشیات تور ایکٹ نا رداٹ مقدمہ درج کرسا مستی جاست وپاست نا بناءِ کننگانے۔