اسلام آباد۔4اگست (اے پی پی): سینیٹءِ چیئرمین محمد صادق سنجرانی ءَ پاکستان میاں اوستمانی ایئرلائن کارپوریشن ترمیمی بل 2023 ہمگرنچیں کمیٹی ءَ را دیم داتگ۔ جمعہ ءِ روچءَ ایوان بالاءِ دیوان ءَ بنجاہی وزیر خواجہ سعد رفیقءَ اے بل ایوان ء َ پیش کتگ۔ آئی ءَ گشتگ کہ پی آئی اے نقصان ءِ آماچ اِنت۔ پی آئی اے ءِ سرءَ 742ارب کلدار ءِ وام اَست۔ اے وامانی دئیگءِ ھاترءَگیش وام زورگ لوٹ ایت۔ پی آئی اے ءَ را رکینگ ءِ ھاترءَ حاسیں فیصلہ کنت لوٹ ایت۔ ایشی ءِ ھاترءَ زرکاری کنگ لوٹ ایت۔ آئیءَ گشتگ کہ پیسرگیں بنجاہی وزیرءِ بیان ءَ چہ پی آئی اے ء َ را 71 ارب کلدار ءِ نقصان بوتگ۔ آئی ءَ گشتگ کہ ایئرپورٹس ءِ آؤٹ سورسنگ ءِ ھاترءَ جزم کتگ۔ ایشی ءَ پد سینیٹءِ چیئرمین محمد صادق سنجرانی ءَ اے بل ہمگرنچیں کمیٹی ءَ را دیم داتگ۔
