دریائے سندھ اٹی گدو و سکھر نا ہند آ نیامی درجہ نا نوکاپ برجاسلنگ نا گمان ءِ، این ڈی ایم اے

اسلام آباد۔ 04 اگست (اے پی پی) ملک انا چندی علاقہ غاتیٹی پِر انا سوب آن دریا و ندی نالہ غاتیٹی بہاؤ ٹی ودکی و مشی آ دامان اٹ نوکاپی حالیت ودی مننگ نا گمان ءِ۔ نیشنل ڈیزاسٹرمینجمنٹ اتھارٹی نا بشام اپ ڈیٹ نا رداٹ دریائے سندھ اٹی گدو و سکھر نا ہند آ نیامی درجہ نا نوکاپ برجاسلنگ نا گمان ءِ۔ خیبرپختونخوا ، قطبی پنجاب، گلگت بلتستان، کشمیر و اسلام آباد اٹی ترند تہو و ہورہ و گروک اٹ پِر انا گمان ءِ۔ خیبرپختونخوا (چترال ، دیر، سوات، کوہستان ، شانگلہ، بونیر، مانسہرہ ، ایبٹ آباد) ، پنجاب(راولپنڈی) ، گلگت بلتستان، آزاد کشمیر و اسلام آباد نا ندی نالہ غاتیٹی بہاؤ ٹی ودکی نا گمان ءِ۔ گلگت بلتستان نا دریاو ندی نالہ غاتیٹی بہاؤٹی ودکی و مشی آ دامان اٹ گلوف نا حالیت ودی مننگ نا گمان ءِ۔ این ڈی ایم اے نا ایڈوائزری ٹی پاننگانے کہ ممکنہ خطرہ غاتا توننگ کن الس نا پیشگی حول و رکھی گام گیج نا تشہیر و حساس علاقہ غاتا کنڈا ٹریفک نا جوان چاروکی ءِ کننگے، ہلہلہ ئی حالیت آتون مون تننگ کن مشینری تے تیار تخر۔ دِیری آ علاقہ غاتیٹی رہینگوک آ مخلوق نا ہمپفنگ کن بست وبند کننگے۔