ڈپٹی اسپیکر قومی اسمبلی نا زہمی ملازم آتا بحالی کن پرمان و سلاہ وسوج آتیا عملدرآمدنا رولنگ

اسلام آباد۔ 04 اگست (اے پی پی) ڈپٹی اسپیکر زاہد اکرم درانی زہمی ملازم آتا بحالی کن جوڑ خصوصی کمیٹی و ایلو پارلیمانی کمیٹی تا پرمان و سلاہ و سوج آتیا عملدرآمد نا رولنگ جاری کرسا پارینے کہ ہراادارہ غاک کمیٹی تا پرمان تے منتنو اوفتا برخلاف توہین پارلیمان کارروائی کننگک۔ جمعہ نادے آ قومی اسمبلی ٹی بنجائی وزیر آبی وسیلہ سید خورشید احمد شاہ پارینے کہ وزیراعظم نا کنڈآن پارلیمان ءِ زہمی ملازم آتیکن چٹھی اس نوشتہ کننگانے ہرانا رداٹ قادر مندوخیل نا کماشی ٹی پارلیمانی کمیٹی اس جوڑ کننگا۔ کمیٹی نا سلاہ و سوج آتیان پد ہم 80 درسد نا خڑک ملازم آتے بحال کننگتنے۔ دا کمیٹی نا پرمان تیا ہچ ءُ عملدرآمد اس مفننگ ءِ۔ پارلیمان سپریم ادارہ و السی فائدہ غاتا نگہبان ادارہ ءِ دا باندات آ اسپیکر نا چیئرآن رولنگ برے۔ اوپارے کہ ملازم آتے ملازمت آتیان کشنگ آ ننے تکلیف مریک۔ انسانی ہمدردی نا رداٹ ہم نن زہمی ملازمت آتا بایدے کمک ءِ کین۔ ہرافک پارلیمان نا ہیت ءِ منپننگ ءُ تو اوفتا برخلاف کارروائی کننگے۔ ڈپٹی اسپیکر پارے کہ دابابت غٹ ادارہ غاتے پارت جاری کننگانے۔ اومندوخیل  کمیٹی و ایلو کمیٹی تا پرمان و سلاہ وسوج آتیا عملدرآمد نا رولنگ تس و پارے کہ ہراادارہ غاک پرمان تے منتنو اوفتا برخلاف توہین پارلیمان نا کارروائی کننگک۔