چائینہ  میڈیا  ءِ ڈل ءِ  سی پیک  منصوبگ آنی سر ءَ چار  ءُ تپاسی ءِ رد ءَ مارگلہ  ریلوے  سٹیشن  اسلام آباد  ءِ تر ءُ تاب

اسلام آباد۔3اگست (اے پی پی): اے مراگش  سی پیک  منصوبگ   ھاسیں  رنگ ءَ گرین  لائن  ترین ءِ   10 سالی  مراگش   ءِ رد  برجم   دارگ  بوتگ۔  ڈل ءَ  ٹرین   ءَ  کارمرز  بوھوکیں  نوکیں  چینی  ٹیکنالوجی  ءُ  ازمکاری   آناں   ساڑات۔   اے موہءَپاکستان  ریلوے   ءِ نیمگ ءَ ٹرین  آناں چینءِ  نیمگ ءَ پجاری کتگیں نوکیں ٹیکنالوجی  ءِ ھوالگ  ءَ بریفنگ  دیگ  بوت۔ پاکستان   ریلوے ءِ نیم گ ءَ چہڈل ءَ را بریفنگ  دیگ بوت ءُ  گوشگ بوت  کہ  ٹرین  ءَ  ائیر کنڈیشنڈ  اے سی،  بزنس  کلاس  ءِ دو بوگی ،  پارلر کار  ءِ یک  کوچ  ، دو اے سی سٹینڈ رڈ   ءُ اکانومی  کلاس ءِ دو بوگی  ھوار  انت۔  آئی ءَ بریفنگ    ءَ گیش تران  کنان ءَ گوشت کہ   گیشتر  مردم  گرین لائن ٹرین ءِ  جوانیں  آسراتی آنی  سبب ءَ  ایشی ءِ سر ءَ  لاہور   ءُ  کراچ   ءِ  نیام ءَ سفر  کنگ ءَ دوست  دار انت،  ٹرین ءِ وھد ءُ  پاس   آناں   گوں ترندی ءَ  پد ءُ رند کنگ بوھگ  ءَ  اَنت۔

 ریلوے  کارندہ آنی نیمگ ءَ چہ  گوشگ بوت  کہ  بنجاھی وزیر  ریلوے  ءَ پاکستان ریلوے  ءَ را گرین لائن ٹرین  ءِ سفر ءِ وھد  ءَ را   2  کلاک ءَ چہ کم کنگ ءِ  ھم  پنت ءُ شون  کتگ ایشی ءَ چہ مسافر  آناں پاکستان ریلوے  ءِ سر ءَ دل  یکیمی  برجا  بوتگ۔    چینی  میڈیا   ءِ ڈل ءَ را  گوشگ  بوت  کہ گرین لائن  ٹرین  ءَ جوانیں سفری آسراتی    پجاری کنگ  ءِ   ھم  پیسلہ  کنگ بوتگ  ایشی ءَ چہ  جوانیں   اسٹنڈر  وردن ءُ وراک  ءِ پجاری  ءُ ٹکٹ  ءِ  قیمت   ءَ را      برجا  دارگ    ھوار انت۔  ایشی  ءَ چہ ابید  اے سی پارلر  ءِ ھمک سیٹ  ءِ سر ءَ یک جتا جتائیں ایل سی ڈی   ءِ پٹ  کنگ  بیت  تانکہ  مسافر   ہیڈ  فون   ءِ وسیلگ   ءَ  وتی  دل دوستیں  ویڈیوز   ءُ پروگرام  آں انجوائی کت بکناں۔

 بریفنگ  ءَ گوشگ بوت کہ گٹرین  نان کراچی ءُ لاہور  ءِ نیام ءَ ایوک ءَ خانیوال ، بہاولپور، حیدر  آباد   ءَ  اوشت ائیت۔  اے ٹرین  160  کلومیٹر  یک کلاک ءِ   گام ءَ   تتک کُت کنت۔ پدا ھم  ایشی ءِ  گام  90 کلو میٹر  یک کلاک   گیشینگ بوتگ۔  راولپنڈی   ءَ چہ لاہور ءَ  پجگ  ءَ چہ پد  ایشی ءِ  تہ ءَ گیش  9 کوچز  آنی گیشی  کنگ بیت  ایشی ءَ چہ پد  اے  ٹرین  140 کلو میٹر  یک کلاک ءِ گام ءَ   روت۔   ڈل ءَ گرین لائن ٹرین   ءِ کار کرد  ءُ ایشی ءَ مسافر  آنی  واستہ پجاری کتگیں آسراتی  آنی  ھوالگ ءَ   دل  یکیمی  ءِ درشان کت۔  

ایشی ءَ چہ  پیسر  پاکستان  ریلوے ءِ نیمگ ءَ چہ مارگلہ ریلوے سٹیشن  اسلام آباد  ءُ راولپنڈی   ریلوے سٹیشن  ءِ سر ءَ چینی  میڈیا ءِ ڈل  ءَ را   وش اتک  کنگ بوت۔  ڈویژنل    سپرٹنٹڈنٹ  پاکستان ریلوے  انعام اللہ  ءَ ڈل  ءَ را  وش اتک  کت ءُ پاکستان  ریلوے  ءِ نیمگ ءَ چہ  یاتگیری  شیلڈ ز  پیش  کنگ بوت۔  آئی ءَ چین- پاکستان    اقتصادی راہداری  (سی پیک)   منصوبگ  ءِ چیر دستی ءَ پاکستان ریلوے  ءِ آیوکیں باندات   ءِ منصوبگ  آنی   ھوالگ ءَ ڈل ءَ را سئیگ ءُ سرپد  ھم کت۔