سی پیک نا ارٹ میکو ریسہ ءِ شاندار سرسہبی اٹ ہمکنار کننگ کن پین توانائی وجوزہ اتون کاریم کننگ کن سنبرینگوک اُٹ، وزیراعظم نا ٹویٹ

اسلام آباد۔ 03 اگست (اے پی پی) وزیراعظم محمد شہباز شریف پارینے کہ سی پیک تدوک آ دہ سال اٹی بڑزکو آب انا انفراسٹرکچر ، و توانائی و راجی و اقتصادی شونداری نا بشخ آتیٹی کیہی مزل آتے سرکرے، سی پیک نا ارٹ میکو ریسہ ءِ شاندار سرسہبی اٹ ہمکنار کننگ کن پین توانائی و جوزہ اتون کاریم کننگ نا سنبرینگوک اُٹ۔ پنچ شنبے نادے آ تینا ٹویٹ اٹی اوپارے کہ سی پیک نا دہائی نا پوروی نا وخت آ پاکستان تون مخ تفی و یکجہتی نا تینا اہم کلہو آ چین نا صدر شی جنگ پنگ نا منت وار اُٹ۔ سی پیک ءِ بڑزکو آب انا بیلٹ اینڈ روڈ کوآپریشن نا اسہ مثالی ڈٹ اس جوڑ کننگ آ اونا زور پاکستان نا الس نا راجی آسودہی کن اونا دزم انا عکاسی ءِ کیک۔ اوپارے کہ حقیقت اٹ سی پیک تدوک آ دہ سال اٹی بڑزکو آب انا انفراسٹرکچر، توانائی و راجی و اقتصادی شونداری نا بشخ آتیٹی کیہی مزل آتے سرکرینے۔ بی آرآئی نا فلیگ شپ پروجیکٹ نا وڑاٹ سی پیک میاں نواز شریف نا کماشی ٹی بدلی نا کِسہ ٹی بدل مس۔ پاکستان دا کِسہ ءِ مچ آ دنیا ٹی تینا سنگت و شریدار آتون شیئر کننگ کن تیار ءِ۔ اوپارے کہ چین پاکستان سٹریٹجک کوآپریٹیو پارٹنر شپ ءِ پوسکن آ بڑزی تسکان دننگ کن نن وخت اس ہم صدر شی جن پنگ نا پورو منت واری ءِ ہرفنگ کپنہ۔ ای سی پیک نا ارٹ میکو ریسہ ءِ شاندار سرسہبی آن ہمکنار کننگ کن مستی توانائی و جوزہ اتون کاریم کننگ کن سنبرینگوک اُٹ۔