وزیراعظم نا کوشست آتیان زرمبادلہ نا کوڑی 15 ارب ڈالر مس، قوم اونا منت وار ءِ، راہشون مسلم لیگ ن حنیف عباسی

اسلام آباد۔ 03 اگست (اے پی پی) مسلم لیگ ن نا راہشون حنیف عباسی  پارینے کہ مچ آ قوم وزیراعظم محمد شہباز شریف نا منت وار ءِ، زرمبادلہ نا کوڑی 15 ارب ڈالر مسنے  ہراوزیراعظم نا کوشست آتا اعتراف ءِ۔ داہیت ءِ او بھارہ کہو بائی پاس ڈٹ انا بنائی دود آن تران کرسا کرے۔ اوپارے کہ مسلم لیگ (ن) نا حکومت یک و نیم سال انا چنکو وخت اسے ٹی بنجائی دارالحکومت و راولپنڈی ٹی چندی ڈٹ آتے پورو کرے ، کیہی پوسکن آ ڈٹ آتا بناءِ ہم کننگ انگ ءِ۔ اونا پاننگ ئس کہ اسلام آباد انتظامیہ و سی ڈی اے نا ٹیم پبی جانفشانی اٹ کاریم کرے، دے و نن ءِ اسٹ کرسا شونداری ڈٹ آتا پوروی نا ہدف آتا دوئی کننگءِ پک کرے ہرادے برقرار تخنگے۔ اوپارے کہ 75 سال آن پد اسلام آباد اٹی پبلک ٹرانسپورٹ نا آسراتی فراوان کننگ انگ ءِ، چین آن 107الیکٹرک بس آک بھاز زوت  پاکستان آ سرمریرہ ہراڑکن ایل سی ءِ ملنگانے۔