پی آئی اے نا 21 مئی آ بناکروک آ حج آپریشن 2 اگست آ پورو

اسلام آباد۔ 03 اگست (اے پی پی) پاکستان انٹرنیشنل ایئرلائن(پی آئی اے) پارے کہ پی آئی اے نا 21 مئی 2023آ بناکروک آ حج آپریشن 2 اگست 2023 نا نن اسکان پورو کننگانے۔ پنچ شنبے نادے آ پی آئی اے نا ترجمان عبداللہ حفیظ خان نا کنڈآن جاری بیان نا رداٹ پی آئی اے نا حج آن مست آپریشن 21 مئی آن بناکرے ہرا 22 جون اسکان برجاسلیس۔ اوپارے کہ حج آن پد آپریشن 2 جولائی آن بناکرے ہرادے 2 اگست آ پورو کننگانے۔ ترجمان پارے کہ حج آن پد آپریشن اٹی کل 258 جہاز آپریٹ کننگا، ہراٹی جدہ کن 136و مدینہ کن 122 جہاز آپریٹ مس وخت اس کہ حج آپریشن اٹی پی آئی اے نا شیڈول نا باقاعدگی شاندار ئسک۔ اوپارے کہ 96 درسد جہاز وخت آ یا وخت آن زرس مست روانہ مسر ہراکہ حج آپریشن اٹی اوار غٹ ایئرلائنز آن گچین ئسر۔ ترجمان پارے کہ پی آئی اے نا حج جہاز آتیان کل 61،461حاجی مقدس فرض انا ادائیگی آن پد وطن آ پدی سرمسر ، حاجی تیکن سٹی چیک ان نا بست وبند ہم کننگاسس ہراڑان اوفتے کیہی گھنٹہ مست بالی پٹ آ سرمننگ نا زحمت متو۔ اوپارے کہ سی ای او پی آئی اے حج آپریشن اٹی اوار ٹیم تا کارکڑد نا ستاءِ کرے ، مشکل حالیت آتیان پد ہم آپریشن اعلیٰ وڑاٹ منظم کننگا ہراڑکن پاکستان و سعودیہ عرب اٹی ساڑی ٹیمک ستاکڑزنگ نا قابل ءُ۔