توشہ خانہ ریفرنس اٹ عمران خان کرپٹ پریکٹیسز و راستکی تے ڈکھنگ نا سوب آن نابود مسوسس، سینیٹر شیری رحمان

اسلام آباد۔ 02 اگست (اے پی پی) بنجائی وزیر موسمیاتی بدلی و چاگڑدی رابطہ سینیٹر شیری رحمان پارینے کہ توشہ خانہ ریفرنس اٹی چیئرمین پی ٹی آئی عمران خان تدوک آ سال کرپٹ پریکٹیسز نا مرتکب مننگ و راستکی تے ڈکھنگ نا سوب آن نابود مسوسس۔ توشہ خانہ نا راستکی تے مون آ اتنگ آن پد آن داتم اسکان او اسہ وار آخا کیہی وار یوٹرن ہلکنے۔ چارشنبے نادے آ تینا اسہ ٹویٹ اسے ٹی اوپارے کہ بناٹی او الیکشن کمیشن نا واکداری تے ہی چیلنج کریسس۔ مہالو پارسا کرے ای توشہ خانہ نا ٹیکی تے سودا کتنوٹ داسہ پاننگ ءِ کہ ای تینا ملٹری سیکرٹری نا کمک اٹ ٹیکی تے بہا کریسٹ۔ بنجائی وزیرپارے کہ ایلوفتے دُز داڑیل پاروک آ عمران خان داسہ ارب آ روپئی نا ٹیکی تے دُزی نا دلیل آتے پیش کننگ ءِ۔ تینا سفائی پیش کننگ نا جاگہ غا حکومت آ نابود کرفنگ نا دوبہ خلنگ ءِ۔ دا تینا انتہاپسند سیاست نا نتیجہ ٹی مہالو آن نابود مسنے ننے اودے نابود  کرفنگ اٹ ہچ ءُ است خواہی اس اف۔ شیری رحمان پارے کہ عمران خان ہم ہندا وڑ تینا تلاشی ءِ ایتے ہراوڑ او چارسال تینا مخالفت آتا تلاشی ءِ ہلکوسس۔