دانیال عزیز و طلال چوہدری  ءِ سچ پاننگ نا سزاتننگا، بنجائی وزیر حوالکاری و شینکاری مریم اورنگزیب نا ٹویٹ

اسلام آباد۔ 02 اگست (اے پی پی) بنجائی وزیر حوالکاری و شینکاری مریم اورنگزیب پارینے کہ دانیال عزیز و طلال چوہدری ءِ سچ پاننگ نا سزا تننگا، ہڑتوم آ ک بے چیٹ حالیت آتون مون تسر ولے حق گوئی نا کسر ءِ اِلتوس و نئے حلقہ نا الس ءِ اِلار، تیناموقف، سرکڑدہ و جماعت تون سلیسر۔ اللہ تعالیٰ ہڑتوم آ ایلم تے تاریخ و الس نا مون آ سرسہب مننگ ءِ مبارک کے۔چارشنبے نادے آ تینا ٹویٹ اٹی بنجائی وزیر حوالکاری پارے کہ دانیال عزیز و طلال چوہدری ہڑتوم آتے بیرہ داسوب آن سزا تننگاسس انتئے کہ اوفک ہمووخت آسچ پاریرہ ہرا نواز شریف ءِ سیاست آن مائنس کروک آ کڑد آتے قبول الوکہ۔دانیال عزیز، طلال چوہدری و اوفتا حلقہ نا الس ءِ مبارک مرے۔