اسلام آباد۔1اگست (اے پی پی):چین ءِ نائب مزن وزیر ہی لیفنگ پاکستان ءِ سئے روچی تر ءُ تاب ءِ سرجم کنگ ءَ چہ پد چین ءَ روادگ بوتگ۔ بنجاھی وزیر منصوبگ بندی ، دیمروئی ءُ ھاسیں گامگیج پروفیسر احسن اقبال ءَ شرپ مندیں مہمان آناں رخصت کتگ۔ اے موہ ءَ چین ءِ نائب مزن وزیر ءَ را پاکستان ءِ تر ءُ تاب ءِ یاتگیریں البم پیش کنگ بوت۔ چین ءِ نائب مزن وزیر ہی لیفنگ ءَ وتی تر ءُ تاب ءِ ساھت ءَ صدر مملکت ءُ مزن وزیر ءَ گوں گند ءُ نند کت۔ ایشی ءَ چہ ابید آئی ءَ چین ۔ پاکستان اقتصادی راہدراری سی پیک منصوبگ ءِ 10 سال سرجم بوھگ ءِ ھوالگ ءَ برجمیں مراگش ءَ ھم بھر زوری کت۔
