اسلام آباد۔ 01 اگست (اے پی پی) وزیراعظم محمد شہباز شریف چین نا دارالحکومت بیجنگ اٹی طوفانی پِر تیان نہادی جونی نسخان آ ہڑزخواہی نا درشانی ءِ کرے۔ سے شنبے نادے آ تینا ٹویٹ اٹی وزیراعظم پارے کہ او پاکستان نا حکومت و الس نا کنڈآن بیجنگ اٹی برجا طوفانی پِر تیٹی نہادی جونی نسخان آ ہڑزخواہی کیک۔ ننا ہمدردی و نیک است خواہی پدسلوک آ خاہوت آتون ءِ۔ اوپارے کہ پاکستان و چین مدام سنگت و شریدار ءُ ہرافتا تکلیف و فریشانی اسہ ایلو نا ءِ۔ مچ آ پاکستانی قوم ڈکھیائی نا داساہت اٹی تینا چینی ایلم و ایڑھ تتون ءُ۔ وزیراعظم پارے کہ مشکل نا داساہت اٹ بیجنگ نا الس نا ہرممکن کمک کن تیار اُن۔ وزیراعظم ریسکیو و ریلیف نا کوشست آتیکن نیک است خواہی نا درشانی ءِ کرے۔
