اسلام آباد۔ 01 اگست (اے پی پی) وزیرخارجہ بلاول بھٹو زرداری ڈنمارک نا وزیرخارجہ تون ڈنمارک و ایلو یورپی ملک آتیٹی قرآن پاک نا بے شرفی نا ساڑی آ واقعہ غاتیا گڑتی نا درشانی ءِ کرینے۔ سے شنبے نادے آ وزیرخارجہ تینا اسہ ٹویٹ اسے ٹی پارے کہ کنے ڈنمارک نا وزیرخارجہ لارس لوکے راسموسن فون کرے و ای اودے ڈنمارک و ایلو یورپی ملک آتیٹی قرآن پاک نا بے شرفی نا واقعہ غاتیا گڑتی نا درشانیءِ کرے۔ بلاول بھٹو زرداری ڈنمارک نا حکومت نا کنڈآن مسلم دنیا اسکان رسینگ نا اعتراف کرسا و دا گندہ انگا کارروائی تا مذمت ءِ کرے۔ اومچ آ دنیا نا مسلمان تا جوزہ غاتے ٹھیس تروک آ اسلاموفوبک کارروائی تے توننگ نا گرج آ زور شاغسا پارے کہ بین المذاہب ہم آہنگی و مذہبی رواداری ءِ مون آ دننگ نا گرج ءِ۔
