لیفٹیننٹ جنرل سرفراز علی و اوڑتون اوار شہید مروک آآفیسر آک قوم انا گمرآک ءُ، قوم اوفتا قربانی تے اسُل است آن دپک، وزیراعظم

اسلام آباد۔ 01 اگست (اے پی پی) وزیراعظم محمد شہباز شریف پارینے کہ لیفٹیننٹ جنرل سرفراز علی و اوڑتون اوار شہید مروک آ آفیسر آک ننا قوم انا گمرآک ءُ، قوم اوفتا قربانی تے اسُل است آن دپک۔ سے شنبے نادے آ تینا ٹویٹ اٹی وزیراعظم پارے کہ لیفٹیننٹ جنرل سرفراز و اوڑتون اوار شہید مروک آ آفیسر آک ننا قوم انا گمرآک ءُ۔ اوفتا شہیدی ءِ اینو پورو اسہ سال اس مسنے۔ کنتون اوار مچ آ قوم لسبیلہ ہیلی کاپٹر شکست اٹ شہیدی نا جام ءِ نوش کروک آ لمہ وطن نا دا عظیم گلزادہ غاتے خراج تحسین پیش کیک۔ تاریخ گواہ ءِ کہ ملک ءِ خراب انگا نظراٹ ہروک آ دشمن نامقابلہ مرے، دہشت گردی نا ناسورنا چٹفنگ یا قدرتی آفت، قوم ہراتم کہ تینا ورناتے یات کرے اوتینا دتر ءِ قربان کننگ آن ہم پاناد کتور۔قوم اوفتا قربانی تے اسُل است آن دپک۔ وزیراعظم تینا ٹویٹ اٹی لیفٹیننٹ جنرل سرفراز علی شہید، بریگیڈیئر امجد حنیف شہید، بریگیڈیئر محمد خالد شہید،میجر سعید احمد شہید، میجر ایم طلحہٰ منان شہید و نائیک مدثر فیاض شہید نا عکس آتے ہم شیئر کرے۔