اسلام آباد۔ 01 اگست (اے پی پی) سعودی عرب نا نائب وزیر کانڑ کنی خالد صالح المظفر پارینے کہ پاکستان و سعودی عرب نا نیام اٹ ایلمی تاریخی و دودوربیدگی تعلقداری ءِ، سعودی حکومت پاکستان تون معدنیات نا بشخ اٹی تعلقداری ءِ ودفنگ نا خواہندار ءِ۔ داخیال آتا درشانی ءِ او سے شنبے نادے آ پاکستان منرلز سمٹ نا بنائی سیشن آن تران کرسا کرے۔ خالد صالح المظفر پارے کہ معدنیات نا بشخ انسانی وسیلہ غاتا شونداری و روزگار نا وارخواہی ودکی کیک، معدنیات اٹی زرکاری آن ڈیہہ اٹی واپاری سرجزآتیٹی ودکی مریک۔ اوپارے کہ معدنیات نا بشخ انسانی وسیلہ غاتا شونداری و روزگار نا وارخواہی ودی کیک، سعودی عرب دا بشخ اٹی زرکاری کیک، معدنیات نا بشخ اٹی زرکاری آن ڈیہہ اٹی واپاری سرجزآتیٹی ودکی مریک۔ اوپارے کہ 27 لکھ پاکستانی سعودی عرب نا شونداری ٹی اہم کڑد اس ادا کننگ ءِ۔
