اسلام آباد۔ 01 اگست (اے پی پی) ڈپٹی اسپیکر قومی اسمبلی زاہد اکرم درانی پارینے کہ سیکٹر جی ۔ 14 نا ذیلی سیکٹر ون و ٹو اٹی ڈغار تا رہینگوک و مالک آتے ڈغار نا ساڑی نرخ انا حساب اٹ زرتننگے، ہاؤسنگ سوسائٹی تا مون اٹ بروک آ قبرستان ، مزار ومسیت آتے سوسائٹی نا اسکیم آن کشنگے و سیکٹر ای 12 نا زہمی تے ادائیگی و ایوارڈ اسکان تینا ڈغار تیان بے دخل کننگپ۔ سے شنبے نادے آ قومی اسمبلی نا دیوان اٹی قادرخان مندوخیل نا سیکٹر جی ۔ 14 نا ذیلی سیکٹرون ٹواٹی دوئی کروک 4880 کنال ڈغار نا رہینگوک و مالک آتے ہموڑے ہنکینی یونٹ آتا تازہ انگا تشخیص آن پد بلڈاپ پراپرٹیز نا بابت ساڑی مارکیٹ ریٹ نا رداٹ مواوضہ نا عدم ادائیگی نا بابت چکاری نوٹس نا ورندی ءِ ترسا پارلیمانی سیکرٹری ہاؤسنگ اینڈ ورکس محمود شاہ پارے کہ دااسہ مافیا سے ہرا الاٹی تے تنک کننگ ءِ، 2005 و 2009 ٹی اوفتے ادائیگی کننگا۔ کابینہ نا فیصلہ نا رداٹ اوفتے اسہ اسہ پلاٹ ہم تننگا۔ چکاری نوٹس آ قادر مندوخیل نا سوج انا ورندی ٹی پارلیمانی سیکرٹری ہاؤسنگ محمود شاہ پارے کہ مہالو عدالت کمیٹی اس جوڑکریسس، عدلات ہی پاریسس کہ دا زر زیات ءُ۔
