پاکستان منرلز سمٹ ’’ڈسٹ ٹو ڈویلپمنٹ ‘‘ نا بنائی سیشن نا بناء، وزیراعظم شہباز شریف و آرمی چیف جنرل سید عاصم منیر نا خصوصی شرکت

اسلام آباد۔ 01 اگست (اے پی پی) پاکستان منرلز سمٹ ’’ڈسٹ ٹو ڈویلپمنٹ ‘‘ نا بنائی سیشن بناکرے۔ بنائی سیشن اٹ وزیراعظم محمد شہباز شریف و آرمی چیف جنرل سید عاصم منیر ئسک ہم خصوصی وڑاٹ بشخ ہلنگ ءُ۔ سمٹ نا اولیکو ہدف پیشن نا ملک آن زرکاری ءِ اتنگ ءِ۔ سیمینار اٹی معدنیات نا بشخ انا چاہندار و درملکی زرکارآتا بھلو کچ اسے ٹی شریک ءُ۔ سمٹ اٹ بنجائی وزیر آتون اوار درملکی سفارتکار و چندی بشخ انا چاہندار آک ہم بشخ ہلنگ اٹی ءُ۔ یات سلے کہ اسپیشل انوسٹمنٹ فیسلی ٹیشن کونسل نا جوڑ مننگ آن شونداری نا روشنادور بناکرینے، حکومت و آرمی چیف نا کوشست آتیان پاکستان پائیدار شونداری نا کنڈا ہِننگ ءِ۔ گل زمین پاکستان بے شمار دھاتی و غیر دھاتی خزانہ و قدرتی وسیلہ غاتیان شپ ءِ، ہرافتے ٹی کولا، خیسن، پتل، باکسائٹ ، معدنی بے، کرومائیٹ و این اتون اوار بھاز انگا ایلو معدنیات آک اریر۔ کشت وکشار، لائیو اسٹاک، آئی ٹی و معدنیات نا بشخ آتیٹی پوسکن آ ٹیکنالوجی تا کاریم اٹ اتنگ ءِ مون آ دننگک۔