اسلام آباد۔31جولائی (اے پی پی):صدر مملکت ڈاکٹر عارف علوی ءَ چینی صدر شی جن پنگ ءِ ھاسیں نماھندگ ، چین ءِ کمیونسٹ پارٹی ءِ سنٹرل کمیٹی ءِ پولٹ بیورو ءِ باسک ءُ نائب مزن وزیر ہی لی فینگ ءَ را پاکستان ءِ واستہ گران بھائیں ازمت آنی پد ءَ ہلال پاکستان ءِ داد دات۔ چین ءِ نائب مزن وزیر ءَ را داد دیگ ءِ واستہ یک سادگیں ءُ جوانیں مراگش ءِ ایوان ءِ سر ءَ دو شمبے ءَ اسلام آباد ءَ برجم بوت ادا صدر مملکت ءَ آئی ءَ را ہلال پاکستان ءِ داسد دات۔ مزن وزیر محمد شہباز شریف، چیئرمین سینیٹ محمد صادق سنجرانی، سپیکر راجی اسمبلی راجہ پرویز اشرف ، کابینہ ءِ باسک، چیئرمین جوائنٹ چیف آف سٹاف کمیٹی، سلاھ بندیں ارد آنی سروک ، چین ءِنائب مزن وزیر ہی لی فینگ ءِ ھمبراھی ءَ پاکستان ءِ تر ءُ تاب ءَ آیوکیں ڈل ءِ باسک آں ھوار ول ءُ فوجی مزن تکی کارندہ آں مراگش ءَ بھر زوری کت۔ چینی نائب مزن وزیر ءَ را ہلال پاکستان ءِ شرپ ءَ داتگیں برجمیں مراگش ءَ چین ءِ نائب وزیر ءِ درئی کار ءُ پاکستان ءَ چینی ناظم الامور ھم شریک ات۔ ایشی ءَ چہ پیسر ایوان ءِ صدر ءَ پجگ ءِ پد ءَ چین ءِ نائب مزن وزیر ہی لی فینگ ءَ را مزن وزیر ءَ وش اتک کت۔ چین ءِ نائب مزن وزیر ہی لی فینگ پاکستان ءِ سرکاری تر ءُ تاب ءَ یک شمبے ءِ روچ ءَ اسلام آباد پج اتگ۔
