مزن  وزیر  شہباز شریف   ءَ گوں نائب  چینی  مزن وزیر ہی لیفینگ   ءِ گند ءُ نند،  پاک چین  یکوئی   جتا جتائیں   بھر،  سی پیک ءُ دو  نیمگی   اقتصادی  ءُ مالیاتی  کمک آنی  ھوالگ ءَ  ھیال   ریچی

اسلام آباد۔31جولائی  (اے پی پی): مزن وزیر  محمد  شہباز شریف ءَ  گوں چین ءِ صدر  شی جن  پنگ  ءِ ھاسیں  نماھندگ ، چین ءِ نائب  مزن وزیر   ءُ  کمیونسٹ  پارٹی  آف  چائنا ءِ سینٹرل   کمیٹی   ءِ پولٹ  بیورو  ءِ باسک  ہی  لی فینگ  ءَ گند ءُ نند  کت۔  گند ءُ نند ءَ پاکستان ءُ  چین  ءِ    یکوئی   جتا  جتائیں   بھر،   آں ھوار   چین  پاکستان    اقتصادی  راہداری سی پیک  ءُ دو  نیمگی   اقتصادی  ءُ  مالیاتی  کمک آنی  ھوالگ ءَ  ھیال ریچی  کنگ بوت۔ دو شمبے  ءَ  مزن وزیر کارگس ءِ  میڈیا ونگ ءِ نیمگ ءَ  جاڑی بوتگیں  بیان  ءِ رد ءَ  مزن وزیر  محمد  شہباز شریف ءَ چین ءِ نائب  مزن وزیر  ہی لی فینگ   ءَ را  مزن وزیر     کارگس  ءَ پجگ ءِ پد ءَ    وش اتک  کنگ  بوت۔   مزن وزیر ءَ ہی  لی   فینگ  ءَ را مارچ  ءَ  چین    ءِ نائب  مزن   وزیر   ءِ   اگدہ ءِ سر ءَ   نندگ ءِ پد  ءَ  مبارک  بات  پیش  کت۔  مزن وزیر   ءَ گوشت کہ  چین  پاکستان   ءَ  2022   ءِ   ڈکال     ءُ پاکستان  ءِ استیں جیڈھ   استیں وھد ءِ معاشی کشاں چیل   ھاسیں رنگ ءَ آئی ایم ایف ءِ گوما  منوگری    آناں پکوئیں رنگ  دیگ  وڑیں   سکیں  وھد ءَ پاکستان ءِ  گوما  ھمکوپگ  ءَ  اوشتاتگ۔  چین ءِ نائب  مزن وزیر ہی  لی فینگ  ءَ پاکستان ءُ چین ءِ   سٹریٹیجک  شریکداری  ءُ دوستی  ءُ براتی  آنی رد ءَ یکوئی آناں   سہرا  کتگ ءُ دوئیں  ملک آنی  نیام ءَ شریکداری   آنی تہ ءَ    شاھیگانی  آرگ  زور  پر دات۔  اے موہ ءَ پاکستان   ءُ چین ءِ نیام ءَ     کشت ءُ کشار،  صنعتی  ءُ  رسانکی     ءُ ایندگر  شوبگ آںی تہءَ سیت  آنی سر ءَ دست چنگل  کنگ بوت۔  دوئیں  سروک آں    دمگی  جیڈھ  ءُ   وتی  راجی   سیت آنی رکھینگ  ءِ پد  ءَ یک  ءِ دومیگ   ءِ کمک  کنگ ءِ جزم ءِ درشان کت۔ ایشی ءَ ابید    مزن وزیر  محمد  شہباز شریف   ءَ  چینی نائب  مزن وزیر ہی لی  فینگ  ءِ شرپ  ءَ   سبارگ ءِ نان ءِ دعوت    داست۔  چینی ڈؒ ءَ چینی سٹیٹ   کونسل  ءِ ڈپٹی   سیکرٹری  جنگل  گووے  ، چینی نائب   وزیر ءِ درئی کار سن  ویڈونگ ، نائب    چیئرمین نیشنل  ڈویلپمنٹ   اینڈ  ریفارمر کمیشن  کونگ لیانگ ، پیپلز  بینک    آف  چائنا  ءِ ڈپٹی  گورنرززون  چینگینینگ ءُ وانگ  کیبنگ،  چینی وزارت  ءِ  تجارت   ءِ   شوبگ  ایشیائی  کار ڈائریکٹر  جنرل وانگ  لیپنگ ، پاکستان  ءَ  چین ءِ سفارتخانہ ءِ چارج  ڈی افیئرز  پانگ چنشو ئے  ءُ ایندگر  ٹوھیں   ٹوھیں کارندہ  ءُ اپسرگ   ھوار اتنت۔   پاکستانی ڈل ءَ  وزیر ءِ  درئی کار  بلاول  بھٹو  زرداری ،  بنجاھی   وزیر   تجارت   سید  نوید  قمر،   بنجاھی  وزیر  ھزانگ   محمد  اسحاق   ڈار،   وزیر ءِ   تہی  کار   رانا  ثنا  اللہ،  بنجاھی وزیر   اھوالکاری  ءُ شنگ کاری مریم  اورنگزیب  ،  بنجاھی   منصوبگ  بندی   ءِ وزیر   احسن  اقبال ،  بنجاھی وزیر  برائے  ریلوے   ءُ   ایو ی ایشن     خواجہ سعد  رفیق  ،  وزیر ءِ   مملکت  برائے  درئی کار  حنا ربانی کھر،   مزن وزیر  ءِ   ھاسیں  کمکار طارق  فاطمی  ءُ  جتا جتائیں  وزارت آنی  ٹوھیں اپسریگ   ھم  ھوار اتنت۔