اسلام آباد۔31جولائی (اے پی پی): مزن وزیر محمد شہبا ز شریف ءَ گشتگ کہ پاکستان ء ُ چین دوستی ءِ بے مٹیں سیادی ءِ تہا بندوک اَنت، چین ء ُ پاکستان نامیرانیں دوستء ُ محکمیں برات اَنت، پاک چین دوستی گیش بیتء ُ ایشی ءِ تہا ایچ وڑیں اوشت سگء ُ اوپار کنگ نابیت، پاکستان یکجاہی دیمروئی ء ُ وشھالی ءِ ہوالگءَ صدر شی جن پنگ ءِ لیکہءِ گوما ہم گام اِنت، سی پیک ءِ ردءَ پاکستان ءَ بجلی، دگانی انفراسٹرکچر ، پن بجلی ء ُ پبلک ٹرانسپورٹ ءَ ہوار بازیں پڑآں 25 ارب ڈالر ءَچہ گیش ءِ زرکاری کنگ بوتگ۔ دوشمبے ءِ روچءَ چین ءِ نائب مزن وزیر ہی لی فینگ ءِ سروکی ءَ چین ءِ مزن تک ءِ ڈل پاکستان ترء ُتاب کنگءِ موہ ءَ مزن وزیر گس ءَ دوئیں ملک آنی نیامءَ مفاہمت ءِ 6 منء ُ گرء ُ یات گیریانی سرءَ دستخط کنگءِ مراگشءِ موہ ءَ تران کتگء ُ مزن وزیر محمد شہباز شریف ءَ چینی ڈل ءَ را وش اَتک کتگء ُ گشتگ کہ سی پیک ءِ 10 سال سرجم بوہگءَ چین ءِ مزن تک ءِ ڈل ءِ پاکستان ءِ ترء ُتاب کنگءَ چینی ڈل ءِ شکرء ُمنت۔ مزن وزیر ءَ گشتگ کہ دومی بہرءَ برنس ٹو بزنس حکمت عملی ءِ ردءَ کشتء ُکشاری ء ُ انفارمیشن ٹیکنالوجی ءِ پڑءَ زرکاری کنگ بیت۔ مزن وزیر ءَ گشتگ کہ چینی صدر ءَ دنیاءَ را پیش داشتگ کہ پاکستان ء ُ چین دوستی ءِ بے مٹیں سیادی ءَ گوں بندوک اَنت۔ چین ء ُ پاکستان نامیرانیں دوستء ُ برات اَنت۔ پاک چین دوستی نامیران اِنت ء ُ ایشی ءِ تہا ایچ وڑیں رکاوٹ سگء ُ اوپار کنگ نابیت۔ آئی ءَ گشتگ کہ پاکستان یکجاہی دیمروئی ء ُ وشھالیءِ ہوالگء َ صدر شی جن پنگ ءِ لیکہ ءِ گوما ہم کوپگ اِنت۔آئی ءَ گشتگ کہ ایم ایل ون ء ُ کراچی سرکلرریلوے حاسیں منصوبہ اَنت ء ُ مارا اوست اِنت کہ اے منصوبہ سوبمندیءَ گوں سرجم بنت۔
