لاہور۔30جولائی (اے پی پی): مزن وزیر محمد شہباز شریف ءَ گوں گورنر پنجاپ محمد بلیغ الرحمن ءَ گند ءُ نند کت ءُ صوبگ ءِ ھواریں ایمنی ءُ جاور ھال آنی بابت ءَ ھیال ریچی کت۔ یک شمبے ءِ روچ ءَ مزن وزیر کارگس ءِ میڈیا و نگ ءِ نیمگ ءَ جاڑی بوتگیں جار آنی رد ءَ گند ءُ نند ءَ ادارُکی سر وزیر پنجاب محسن نقوی ، چیف سیکرٹری ءُ انسپیکٹر جنرل پنجاپ پولیس ھم ھوار اتنت۔ گند ءُ نند ءَ صوبگ ءِ ھواریں ایمنی ءِ جاور ھال آنی بابت ءَ بریفنگ دیگ بوت۔ مزن وزیر محمد شہباز شریف ءَ یوم ءِ عاشور ءَ پنجاپ ءَ ایمنی ءِ جاور ھال آنی برجا دارگ ءِ پد ءَ پنجاپ ءِ انتظامیہ ءُ پولیس ءِ کار کرد ءَ را ساڑات۔
