گوادر۔27جولائی (اے پی پی): مزن وزیر محمد شہباز شریف ءَ گوشتگ کہ گوادر ءُ بلوچستان ءِ آسراتی آنی اولی ھک ھمدے الس ائیگ انت، ھیش ءُ ھشرت آنی تہ ءَ نندوک ملک دژمن نہ لوٹاں کہ بلوچستان دیمروئی بکنت۔ ءُ ادا سیاسی برجائی بہ بیت، بلوچستان ءَ وتی مرضی ءَ گوں پاکستان ءَ ھوار بوھگ ءِ پیسلہ کتگ بوتگ مارا اے پیسلہ ءِ شرپ ءُ ازت کنگ لوٹ ائیت۔ سرجمیں بلوچستان ءَ را دیمروئی ءُ وشھالی ءِ گام آنی گوما ھمگام کنگ مئے اولی ترجی انت۔ ما گوادر ءَ را دگنیا ءِ جوانیں دکہ ءِ جوڑ کنگ لوٹاں۔ پنچ شمبے ءِ روچ ءَ گوادر بزنس سینٹر ءَ ماھی کش آناں کمکی چیک ءُ گوادر یونیورسٹی ءِ شاھوکاریں نودربر آناں لیپ ٹاپس بھر ءُ بانگ کنگ ءِ مراگش ءَ گوں گشتانک دیان ءَ مزن وزیر ءَ گوشت کہ بلوچستان دلیریں بلوچ، پختون، براہوئی ءُایندگر راج آنی صوبگ انت ایشرا اللہ پاک ءَ بے کساس آسراتی داتگ۔ مزن وزیر ءَ گوشتگ کہ 2013 ءَ وھدیکہ نواز شریف سیمی رند ءَ مزن وزیر گچین بوت گڈا بلوچستان ءُ گوادر ءِدیمروئی ءُ وشھالی ءِ واستہ احسن اقبال ءُ ایندگر وزیر آنی گوما یکجائی ءَ السی نمونگ ءِ منصوبگ بندی کتگ۔ ھمے جاہ ءَ من اوشتاتگ آں ھمے جاہ ءَ گوادر ءَ ورگی ساپیں آپ ءِ پجاری، ایرانءَ چہ توان ءِ شنگ ءُ تالان، پنجگور ءَ چہ ٹرانسمیشن لائن، آپ ءِ ٹریٹمنٹ ءُصوبگ ءِواستہ بازیں ایندگر منصوبگ آنی واستہ عرق ریزی ءَ چہ کار کنگبوتگ۔ بلے گوستگیں 4 سال ءَ چہ اچ کار نہ بوتگ۔ یک منصوبگ بندی ءِ وسیلگ ءَ اے منصوبگ آنیس ر ءَ کار نہ بوتگ چوش کہ اے منصوبگ سی پیک ءِ چیر دستی ءَ چین ءِ کمک ءَ چہ سرجم بوھگی بوتگ انت۔ سی پیک ءِچیر دستیءَ گوادر صنعتی زون، گوادر اسپتال ، گوادر ائیر پورٹ ءُ ایندگر منصوبگ چینی گرانٹ ءِ چیر دستیءَ سرجم بوھگی بوتگ انت بلے اے منصوبگ آناں ھلاس کنگ بوتگ۔ مزن وزیر ءَ گوشت کہ گوستگیں سال 4 جون ءَ وھدیکہ آ گوادر ءَ اتکگ بوتگ گڈا ڈکھ ءُ اندوھ ءِ گوما و اتر شتگ ءُ آئیءَ را سما بوتگ کہ گوستگیں حکومت ءِ دور ءُ باریگ ءَ اے صوبگ ءَ را بے ھیال کنگ بوتگ۔ آئیءَگوشت کہ آ دوارگ 23 جون ءَ گوادر ءَ اتکگ ءُ ما اے اردگ کتگ کہ اے مئے فرض انت کہ ما بلوچستان ءِ الس آنی کسمت ءَ مٹ بکن آں۔
