توان  ءِ دزئی، لائن لاسز ءُ ملک ءِ  بازیں بھر آنی تہ ءَ  بل ءِ  گرگ   ٹوھیں جیڈھ  انت، بنجاھی وزیر  ھاٹیگ  انجینئر خرم دستگیر خان

اسلام آباد۔27جولائی  (اے پی پی): بنجاھی وزیر  ھاٹیگ  انجینئر خرم  دستگیر  خان  ءَ گوشت کہ توان  زئی ، لائن لاسز  ءُ ملک ءِ بازیں بھر آنی تہ ءَ بل آنی گرگ  ٹوھیں جیڈھ انت،   اے جیڈھ  آنی گیواری  ءِ واستہ  گہتری  ءِ ضلورت  انت،  کرپشن ءَ گوں دست مانجنیں  واپڈا   ءِ کارندہ  آنی ھلاپ ءَ   ترندیں  کاروائی المی انت۔  پنچ شمبے ءِ روچ ءَ ایوان ءِ بالا ءِ دیوان ءَ جست آنی اوشت    ءِ ساھت ءَ سینیٹر ثمینہ   ممتاز زہری، سینٰٹر محسن عزیز، سینیٹر کہدہ  بابر  ءِ جست آنی پسو ءَ وزیر  ھاٹیگ   انجینئر خرم دستگیر   ءَ گوشت کہ واپڈا     توان ءِ   پیداوار،    بھر ءُ بانگ   ءِ کار   ءَ  را کتگ  بلے گوست ءِ حکومت ءَ واپڈا   ءِ کار ءَ را بھر کتگ۔   جتا جتائیں کمپنی  جوڑ  کنگ بوتگ انت  ملک ءِ جتا جتائیں  بھر آنی   تہءَ بل  ءِ گرگ   ءُ   لائن  لاسز ءِ جیڈھ  است انت۔ مارا اے جیڈھ آنی گیواری ءِ  واستہ گہتری  ءِ ضلورت انت۔